一兩個星期之前，話說呢份工都做o左差唔多五個月。

頭一兩個月，都算學到好多o野，叫做開始做得好似OK咁。Trip？當然未有得出，都好正常呀。

之後，好似咩進展都冇咁。錯，開始多；同同事之間溝通有o的問題，當中包括設計果邊、自己部門…etc。覺得自己套諗法同佢地有o的唔同，例如對公司o既一o的做法唔多同意，但當然要顧住公司啦。可惜，有時都係無意中擺人上抬，而處理事件亦好慢好慢。

另一樣主要被批評的是，自己做o野係快，但唔準。答o野答得太多，連公司唔想俾人知o既都答埋。又覺得，我唔多聽人講，鐘意show off...

好，我雖則唔係show off，但都唔想人地覺得我show off，有事慢慢做…
呢兩三個月呢，efficiency低o左，被評not effective。錯，依舊唔少。

之後就係有關「信」唔信o的客、係咪人地講乜就信的問題。呢個關乎我o既性格，聽的時候我會俾你覺得我信，但做的時候就咩都懷疑一餐。真係怕我俾人呃？一時時啦，但冇想像中咁差掛？

仲有send e-mail send 得太多？係，最初係o架，宜家少o左好多啦…
有改善的看不到，只係累積的計算落去，咁其實有咩意思呢？

總的說，都係覺得雖則我有「對人」的興趣，但沒有Sales的能力同足夠經驗（根據呢幾個月的經驗），所以呢份工作唔太適合宜家o既我。而且，又實在有太多地方可以俾人誤會或者作為話抦，甚至可能係俾人「報寸」過，咁究竟我係想點走落去呢？

仲學到o的咩？其一係，唔去插人，人地可能都會插死自己；其二係，唔好低估工作環境的人際關係處理需求；其三，解釋會被當成籍口，唔解釋會當成咩都唔答、唔知想點。

此際，應該已經過o左三個月Probation，但其實經理先生話佢仲未簽名作實。而且，在經理先生心目中我唔多值得信任咁。機本上，o向呢度可能冇咩前途。