10月28日下午三時多.

Agnes: 喂.

電話: 我地係勞工處青見計劃打黎. 依家想向你推介一份工. 唔知你有冇興趣?

Agnes: 係. 請講.

電話: (份工)係係荔枝角返工, 係做跟單文員既. 主要工作係跟進客戶資料、投訴, 文書處理, 檔案管理咁. 返工時間係朝9晚六, 返星期一至五, 人工六千蚊.

Agnes: 係.

電話: 唔知唔知你有冇興趣見呢?

Agnes: 有. (咁旬, 點解唔去?!)

電話: 咁面試時間係聽日上午十一點, 係荔枝角...

Agnes: 唔好意思, 剛才你地勞工處岩岩推介另一份工俾我, 我應承左聽日同一時間面試. 可唔可以安排其他時間?

電話: 呀....唔得喎. 因為又有個女仔又係咁, 話下晝唔得. 我地安排唔到喎.

Agnes: 咁即係你地唔能夠係聽日上午以外既時間安排面試...?

電話: 係呀. 咁... 你再上下網, 睇下有冇其他工囉.

Agnes: 好, 唔該哂.

鬼唔知上網呀? 之前果個勞工處職員係男仔黎, 佢應對得體, 講得又清楚. 安排唔到咪安排唔到囉 (唔夠彈性), "再上下網, 睇下有冇其他工囉", 梗係咁無所謂架, 因為搵工果個唔係佢本人, 梗係就咁算啦. 我今日見完工, 會再上下網, 睇下有冇其他工囉.