1月16日:
考完喇!今日我同好多人去玩呀!(bbq)大致上都好開心嘅!之前我諗住會唔會玩得唔開心呢?但係都唔係呀!ok喇!但係最衰係個三個人呀!(波,輝,仲賢)我覺得佢哋好似唔係好想去咁呀!明知約咗人但係仲去打波,打波都算喇!但係衰喺唔理人等緊佢呀!有冇搞錯先?要咁多人等佢哋呀!但係算喇!都過咗去囉!而且之後玩得幾開心呀!呢晚幾開心,玩咗好多嘢!我哋d嘢食有好多呀!最衰就係我喇!叫佢哋燒哂d嘢食,但係之後咁冷,搞到冇咩人食呀!好浪費呀!但係之後有個婆婆嚟我哋就俾哂d嘢佢喇!佢原來同波係同一個家"香"呀!佢仲同亞婆講家"香"話呀!好搞笑呀!同佢哋班人去燒嘢食都幾好呀!因為佢哋都幾好呀!走果時會收拾好d嘢,喧 先好呀!咁先係好市民呀!我有時搭車見到咁(d人燒完,好多垃圾)我真係覺得d人好衰囉!有個咁好嘅環境燒嘢食,但係d人仲唔珍惜!搞到要人去help佢哋收!d人咁做仲好唔好意思呀?所以我都要向我d朋友致敬,多謝佢哋咁保護呢個環境,我真係覺得佢哋咁做好好呀!所以我好希望去燒嘢食嘅人都要收番自己嘅嘢呀!你帶得d嘢嚟咁就帶埋走喇!做咩要搞到咁呀?知唔知人哋收得好辛苦呀?收番自己d嘢好辛苦咩?有幾呀?你玩得咁開心就自然要有少少嘢要做喇!
之後我哋一路行,我真係諗住係行番去呀!因為我覺得一班人行好好呀!好舒服呀!我一d都唔驚呀!而且好少可!但係佢哋行唔到三個站就話搭車呀!咁咪搭車囉!冇咩所謂喇!之後好多人都好累而且仲有人唔舒服呀!玩得咁開心真係要付出d嘢呀!我喺喥同(果日一齊燒嘢食)嘅人講句多謝,仲有你哋個個都要小心身體呀!天氣咁冷,好易唔舒服呀!我就己經係一個例子喇!所以你哋要多多留心自己身體呀!