2004/8/15

今日11點幾比winnie嘈醒左
因為佢要去沙灘
尋晚4點幾先訓 比佢叫一叫真係有d頂唔順
尋晚有跳水睇 死人都唔訓啦~
田亮咁靚仔梗要撐下佢既~kakaka~
烏克蘭有個都好靚仔架~
單人跳水個時唔知會唔會見到佢呢@@?

起左身之後 發覺唔見左家姐
唔知點解個下好驚
所以即刻打比佢
佢問我咩事 我話唔見左家姐好驚
之後比佢笑 佢話唔洗驚呀~家姐去左游水ja~
哈哈~個下都覺得自己好好笑
自己岩岩訓醒巴聲又好白痴咁
仲要打比佢講埋d咁白痴既野
都唔知自己做咩~~
好快咁執好d野之後
大約12點就出門口
諗住搭12:30個班車啦~
車黎到之後 到我上車個時岩岩仲有一個位
本來我可以上架~ 但我後面岩岩有個亞嬸
見佢拎住勁多野
所以就比左佢上先 自己再等多半個鐘車
比老人家上先 企多陣都抵既~

1點幾先入到去大清
但winnie同佢個FD都仲未到
所以我就坐低睇下書
等左幾個字佢地就到啦
搵好左個位 換好晒衫
我地就殺出海啦~
一路向度浮浮沉沉 不過海水既味真係好舒服
睇下人地玩水 有d一家大細 有d就一大班fd
有d就拍住拖咁
都真係幾好睇架~
落下水又上下水
晒完太陽熱熱地又再落水
真係好他條呀~
不過好唔好彩比人咸豬手呀~~嗚嗚嗚~
正衰人黎架~~

好多救生員原來都認得我架~
好開心呀~
成日無啦啦聽到有人叫 “亞儀~黎玩呀~”
真係好開心呀~
仲要有d同我都唔係好熟既都認得我
哈哈~真係好搞笑
不過佢地分兩種人
正經既見到你就會問你 “依家點呀?做緊咩呀?”
唔正經個d就會話 “e~冇見一排又靚左woo~身材又fit左woo”
不過 冇所謂啦~傾下繼姐^.^

今日落水比班唔知咩人撩=.=
係咁講~佢日本人黎架?
之後就係咁講d AV成日講既日文
我地游走又係咁叫唔好走=0=
真係O晒咀……
完全唔知講咩好……

本來諗住游完水同佢地HEA下
但係因為麻麻黎左
要返屋企LU~.~
唔緊要啦~
下次再玩過~ 我有的是時間
依家冇人阻住晒~
玩都玩得爽D呀^0^