30-10-2004 星期六

今日好早就起左身啦...
因為要去郵局寄野吊拎掛號....

去到時已經勁多人啦...
但係好彩寄野同拎掛號就冇咁多人排..
都好快就攪掂晒d野.....
原來個封掛號真係考試房寄黎既...

寄完野就買埋早餐先返屋企...
返到去亞妹先起身......
起身就有得食...正死佢啦..

食完野之後又執屋啦...
吾知點解今日好有心機執呀..
早排都冇咩心機執架....
所以今日執得勁整齊....
執完之後超舒服呀....

整好晒野.12:30開始溫書.星期一考a/c...
今日係咁計....做到個人想死咁濟...
一路溫一路聽歌..
今日心血來潮突然想聽ekin以前隻cd..
真係好好聽..
有幾首咁耐都係仲係好鐘意架..:)
聽完ekin之後又聽返好多old song....
今日聽返先記得有d咁既歌...
勁聽old song...攪到好似懷舊之夜咁..

溫書溫到成6:30..
開始吾係好想溫啦..坐左成日..個人勁悶...

之後成晚個人都好似好無聊咁.吾知自己想點..
冇野做之後就走去扮靚靚啦...
又做左幾種mask...
亞媒同老豆佢地呀係咁引人笑..攪到我要避返入去房度..
衰到死...

聽日要返工呀....返11:00..
聽日要早小小出去搵間野係邊.....

宜家個人放心晒啦....因為昨晚瑤瑤同我講...
爸B佢宜家冇咩事啦...宜家肥返d啦...
話如果冇咩事佢12月-1月可以返得學tim啦....
唉.終於都冇事啦....真係可以放心啦..

雖然宜家好似冇咩事咁...但係都吾可以太辛苦呀..
要小心身體先得架....
好人真係有好報架.....我信架....