今日長週,早上要開工.
到了中午,回家吃了丁點東西,就出發,展開今天的行程了.首先,回OU借回本來已借了的書,後天全力趕功課了...(真的多得老師).
跟注,就去探BB,今天探望的是兆勇,不過今天可能是最後一天和他見面了,因為七號就會有對外籍夫婦來領養他,所以在此祝他將來會有幸福快樂的生活啦!同時,亦希望日後再有機會與他見面呢!!(可能是他大個仔的時候了)
探完BB,接注就同阿青去買禮物比11月生日的朋友.先是落旺角,在達成揀o左部MD機比骰仔,(骰仔,妳就正啦,有11個人夾埋送部MD比妳)是價值$1000的JVC LP MD呀.希望她會鍾意啦!然後再過潮流特區,揀禮物比華華,先是我同呀青揀o左隻手厄比佢,不過是阿婉同阿青夾的,跟注就是搵到我的目標禮物,"護士懷錶".是吉娣貓的,幾別緻o架,再加上兩個"和風小包",湊成一份禮物,是我四個男仔夾的.呀!!還有我買了一條"邪流丸王子"電話繩給自己,好可愛的哦!!就是這樣不知不覺的行到成夜晚7點幾了.之後就同阿青一起坐火車回沙田.

十一月的三峽之旅,或許只有我一個人去,又或許要改期出發了...(=(),大舊佢o吾得閒喎!!!

明天要開足一日工,先是由早上7點帶隊去運動會至5點,然後到8點又要回屯門總堂聽籌款熱線電話至晚上11點.真要命!!但幸好星期一,二有兩天假,不過都是要用來做功課呢!!