"某一年一班剛剛考完會考完同學約埋一齊唱K
流行曲唱到一半ge時候
其中一位朋友問佢隔離戈位一個問題
喂　你估下二十年後ge今日我地會變成一個咩人呢

二十年後
可能已經變成一個西裝骨骨ge中環人
手帶勞力士　銀包有好多張信用卡
放工ge時候就一齊去酒吧度
一邊望住個煙灰盅
一邊就望住隔離檯戈個女仔
睇住佢條裙幾時會走光

二十年後
大概終於會買戈個部好想擁有既汽車
但係仲有二十幾期要供
二十年後la　應該轉過好多份工
識做ge野越黎越多
但係同時發覺學識越黎越少

係戈個時間　間唔中可能會去下gym
但係做黎做去都係減唔到個肚腩
當然二十年黎你間唔中都會諗起一段
一路都未能放低ge感情
女朋友越黎越多　但係愛ge越黎越少"

*細路哥　你得到什麼　你失去什麼
你知道　what are u looking for*

"大概係戈個時候可能會有身邊ge親人離開
而係個陣時你會有好多講唔出口ge遺憾
同時間你會發覺原來人生已經過左一大半

同年終於結婚la
用左半生ge積蓄俾左一層樓?首期
有車位有泳池會所
娛樂越黎越多但係快樂越黎越少

兩年後　可能會離婚
回復單身之後ge一個晚上一個人係床上面
揸住個搖控不停咁轉台　食左兩粒安眠藥
跟住點起支薄荷煙
然後流左一滴自親人離世之後ge眼淚

突然之間你又諗起　二十年前
你係一個咩人　係個一晚
一大班同學約埋出黎唱K唱到天光
仲記得係個朝返到屋企ge時候
打開門係檯面見到有一碗屋企人留低?湯
碗湯已經凍左la"

*細路哥　你得到什麼　你失去什麼
你知道　what are u looking for *

""獨白
**唱　　　　　　　　　- by 林海峰-