柴柴就走，於是同佢出倫敦玩，諗住去Ministry of Sound，應該係全英最大鮋club度玩下。下晝四點出發，第二朝六點番番白禮頓，全程無訓過冇停過，但係結果我地冇入到Ministry of Sound！咁做過d乜呢？

哈哈，越夜越有趣的哦。

1700-1800：我部DC壞左，心思思想買過部，但係Piccadilly附近兜左幾個圈都見唔到有相機鋪。終於係Boots買左兩部用完即棄。

1800-1900：唐人街附近食日本野，不算好吃，但或者呢隻先係日本真風味，因為主理鮋係一個永遠愁眉深鎖鮋日本阿叔哦。

1900-2000：出番大街櫥窗購物。

2000-2100：搭車去左Elephant and Castle地鐵站摷Ministry of Sound，點知行錯方向兜左個圈，仲要係黑人區仲要係靜英英，都咪話唔驚。

2100-2200：終於到達Ministry of Sound，但一個人都冇，個石Q話原來呢幾日都冇party唔開門！唯有番番Leicester Square搵窿捐。

2200-0100：搵左間叫the Zoo鮋club 捐落去，女多過男，醜多過靚，我地兩個都話白禮頓好好多…同埋因為行左咁耐都已經夠累，Clubbing到三四點再去食野坐天光睇來唔太可行，結果未到一點就走，搵酒店或者B&B去也。

0100-0300：去左Hyde Park果邊搵，因為記得十多年前第一次去倫敦時間平野係係果邊的，但去到行來行去，一間平野都見唔到，四季就有幾貴都有，但仍然全部冇房；之後去左Victoria附近行左七八條街，全部B&B都滿晒！由下晝五點一路行行行行行到而家，我地開始唔覺得累，因為，我地開始feel唔到自己隻腳…之後搭番巴士番Leicester Square，係Burger King關門之前買佢最後一個包…

0300-0400：坐係噴泉食包，睇d醉酒鬼公開表演，有情侶啜爆亂摷，有基佬訓地擠壓，有女人赤腳行出馬路，有男人隊草隊到嘔仲扮型…三點半後，天開始光，我地向住陽光方向進發，終於發現原來Charing Cross站有DC賣，但凌晨三點買鬼買馬，然後見到有酒店又仆去問有冇位，終於終於都俾我地……知道點解咁爆喇，原來係因為溫布頓網球賽，個服務員話方圓七里鮋酒店都full Q曬！痴線咖！唔駛訓啦！！之後為左唔好浪費張四點半到期鮋車票，我地求其上左咖巴士，至少有位坐又扽下扽下又安全，可以訓下…

0400-0600：見個司機滿頭白髮貌六十，勢估唔到佢係個飛車手！有冇試過巴士都可以飄移丫？有冇試過巴士見到警車要慢駛丫？我諗佢最快時開到有七十咪，唔係講笑！眼訓到極點的我都瞌到一陣，難為柴柴全程驚到訓唔著，哈哈。之後詐傻扮檬搭左兩程免費車(過左四半就要買新一日鮋車飛)，終於搭頭班火車返白禮頓去。沿途兩隻豬完全冇起過身。馬拉松式行路跳舞白夜飛車倫敦半日遊終告玩完。





頂圖：上次DC未壞時影的倫敦大螢幕。中圖：from www.zoobar.co.uk。狗屎垃圾都影一餐的我很不慣沒有相機的生活。