尋晚兩公婆去左旺角既活吃壽司…好耐冇幫襯過, 仍然好好味呀!! 特意在此分享一下.


葱吞拿魚蓉軍艦---口感好正, 吃落口o的飯同吞拿魚蓉混合一起, 正呀!!

燒蟹柳壽司--- 一般, 冇以前咁juicy, 而且可能燒左一燒, 蟹柳o的肉實左, 硬大少少少少. 不過有沙律醬配襯下, 又幫補番o的味道.

芝士海鮮軍艦---賣相係軍艦樣加一pat黃色既野, 老實講有乜海鮮我就真係唔係好知, 吃得出有八爪魚. 吃落口, 芝士好香, 而且杰杰地, 有少少漿漿地既感覺, 加埋o的飯, 又係好好feel. 軍艦式咁配上咁樣既芝士, 又好夾喎.

火炙三文魚壽司 (東味)---三文魚炙得非常之咁好味, 入口即溶, 微暖的 (我個人認為微暖係最好既, 太暖(岩岩燒起)或太凍(攪到好似平時吃三文魚壽司咁)都麻麻地, 微暖的係最好既. 配合埋o的葱花, 洋葱絲都唔錯. 不過唔好多人喜歡葱類物體既野. 夾走o的葱齋吃都非常好味.

火炙三文魚壽司 (西味)---三文魚上有鹽同黑胡椒粉吊味, 一樣非常好吃. 東西味係必吃!!

劍魚腩軍艦---本身味道其實不錯, 有點像三文魚腩的口感, 鬆鬆化化. 不過這次的劍魚腩像剛在雪櫃拿出來, 很凍且帶有剛溶的雪水, 大打折扣.

北寄貝壽司---賣相有趣. 將北寄貝開邊包著壽司飯, 視覺有趣, 感覺壽司有點細件. 不過很好吃, 北寄貝不乾身, 煙靱卻能撕開 (有些店的北寄貝像吃口香糖一樣, 嚼極都不爛).

白魚軍艦---白魚其實應該是白飯魚, 不是很多人喜歡吃. 有人會覺得賣相不好看, 一堆半透明但黑眼睛的白飯魚. 口感靱靱的, 滑滑的, 同飯混埋一齊口感真係唔錯架. 未試過既朋友真係要試試.

海膽軍艦---唔係次次吃壽司都會吃, 貴嘛. 不過吃過活的海軍艦, 大概我每次再黎活時, 都要必吃了. 比起元氣, 活的好吃很多. 海膽味很濃, 而且海膽大小也偏大而完整. 量亦算多, 沒有很多的汁水 (即海膽的頭頭尾尾). 吃完之後, 海膽味響口度逗留很久. 而且每嗝飯氣一次, 都感覺到好像把一堆海膽未嗝出來…哈哈, 好味呀!! $25 一對, 海膽軍艦的價錢來說很化算啦.

壽司永遠是我最喜愛的食物 No. 1