“大家如果知道深愛既戀人以前墮過胎,會唔會離開佢?....戀愛成熟到結婚階段” 在yaho知識裡看到這個topic, 原本不打算放上來, 不過內子又不喜歡討論這個topic, 所以想聽多些少其他人的想法.

“我自己就唔會既. 雖然墜胎唔係乜野大件事 (唔係話低估對個女人黎講係咪大件事, 而係墮胎咪墮胎囉咁樣樣), 不過有不少男人都或會對墮胎有情意結, 就好似有不少男人都對處女有情意結一樣.

如果去到談婚論嫁既階段先知道對方墮過胎, 我會想知道佢點解瞞我咁耐, 同埋點解墮過胎. 當然大前提要睇下佢想唔想講, 會唔會令佢勾起o的好難受既回憶先.

你稔下喎, 如果愛係要包容對方既過去, 咁佢係咪都應該稔下, 愛都要相信對方能接受自己既過去呢?? 如果對方講左話唔講, 唔想提, 可能有佢既原因, 但如果隱瞞, 我認為某程度上係怕你接受唔到, 講到尾咪又係對你欠一點點能包容佢既信心!! 佢唔講, 點知你包唔包容到佢??

再從另一角度睇, 你試下情況掉番轉, 個女人同個男人去到談婚論嫁既階段, 個男人話佢知佢以前曾經令到個女人為佢而墜胎, 睇下佢又有乜野反應丫!! 會唔會真係咁簡單就咁包容你就可以先?? 我會有保留囉.

兩個人好好地傾下呢件事, 顧及佢既感受, 如果唔係婚後只會留下一道等待再傷既少少疤痕.”

呢個係我對個topic既意見.

我自己在意的, 並不是她過去怎樣, 而是怎樣面對我和她的感情. 當然, 如果她的過去真的令她非常難受而不想再提, 我是接受的, 也覺得很合理的. 否則, 如果只是怕我接受不到, 怕影響大家既感情, 或 “好端端又怎樣說到這些的話” 我覺得並不太成理由. 是低估了大家所建立了的感情, 還是太少看我對她的愛呢?! 既然去到結婚階段, 結婚後的將來如果才知道, 能肯定說對感情的影響一定會比結婚前知道的少嗎??

愛情裡有很多事情雖然可以兩個人合力解決, 不過一旦有了心病, 比起其他問題來得更麻煩.