今日番到公司都幾忙，不過就無咩工作氣氛，一路同佢地傾計，一路做野，因為公司就黎搬，所以個個都好關心個位置同坐位既分配，新單位就比而家細三份一，不過好就好在O係一樓，行樓梯都可以，等LIFT都費事呀!! 不過距離地鐵站就遠過而家既，仲可能附近無而家咁多野食可以揀黎做早餐!!不過無辦法啦!!

今日SUNNY過左黎搵我食LUNCH，佢要過去APM買TICKET FOR聽晚睇戲，佢仲帶左部相機比我睇佢地去DISNEYLAND D相，個環境係幾靚既，煙花又靚，攪到我都有D心動想去，不過都係遲D先!! 睇左佢鐘意果個芷柔，個樣都OK，普通啦，不過估唔到又係D自私，唔理人感受既女仔，作為SUNNY朋友，真係戥佢慘呀!!而芷柔既另一個女性朋友，又真係好似SUNNY所講咁嚇人，哈哈哈，笑死人，又真係幾可怕既!!

之後番上去一路做到6點就走喇，好攰TIM，番黎同MICHELLE傾，佢建議我比個DIARY佢睇，等佢知道我點諗，但又怕有D係我自己既諗法比佢睇左之後唔知佢會唔會亂諗野，呢個地方係比我抒發自己心入面既感受，我絕對唔希望影響到任何人。之後同佢傾左一陣，其實真係有D唔開心，唔開心並唔係因為佢唔見我，其實到左而家我已經唔再緊張喇，佢鐘意點就點啦，MICHELLE都問我佢點解仲拖? 話佢根本係逃避，我都冇野好講，我只係話唔想迫佢，佢想幾時見就幾時見啦!!因為我真係唔想佢覺得好大壓力!!佢番工D同事已經夠衰，壓力都夠大，我唔想連我都令佢覺得係一種壓力!!

佢今日O係度講佢公司既JUSTIN點衰點衰，聽到連我都有D火，有咩理由有D咁既人，咁樣番工，不如唔好做啦，唔怪得之我D同事都話而家D男仔愈來愈懶，又唔願做野，懶懶散散，見到佢地就憎，好在我公司冇呢D同事，雖然我公司D人都唔係好得好多，成日打機，但起碼佢地係做哂野，冇野做先係咁，一有野就會即刻做，唔似個JUSTIN咁衰，冇D負任感，將來嫁著佢果個女人都死得喇!! 有D咁既老公，好極有限!! 討厭!!!!!!!

可能今日心情唔係咁好啦，佢講講下又話我，雖然係講笑，但我真係唔鐘意聽，佢對住可以講咩就講咩，包括話我，踩我，佢唔只第一次話我，講完都係咁，愈CLOSE講野就可以愈來愈過份咩?? 有時聽完係唔鐘意架，都要無野，就係知道佢咩都講，所以就算!! 其他人都冇咁樣話過我架，係因為我鐘意佢，就要包容埋佢話我既所有野，唔通係事實就一定就聽咩? 唔岩聽就係唔岩聽，唔通一句”O係你面前咩都會講”就可以唔駛理我感受咩?? 我已經唔係第一次同佢講架喇，佢都依然係咁，我都唔想再講喇，唔想再講第二第三次，自己聽完呻完就算，第二日就冇野既!! 因為始終都係愛佢，要包容佢既!! 希望有一日我真係可以做到啦!!