昨晚同佢嘈完，知道佢喊，我都諗住今日同佢say sorry，雖然我唔覺我唔岩，不過算數，費事一家人見到面左左，唔出聲，黑口黑面!! 最討厭一家人既關係係咁!! 一放工番黎就唔見佢喇，其實都估到啦，佢仲點會o係度，佢一定出左街啦，我知佢實冇咁順攤，今次唔知又要嬲幾多日，次次都係咁，一定要人say sorry，唔通做人阿媽就唔可以有錯咩?由我地細個到我地咁大，佢都係咁，細個時激嬲佢，因為要佢簽通告果ｄ野，被迫認錯，我一路都好唔鐘意係咁，點解喎? 咁樣教我地係岩咩? 我地知錯咩?根本就唔知，只係是旦應酬，目的為簽到通告，就認錯，事實上根本就唔係，到左而家仲係咁，而家既我say sorry就只為唔想一家人黑口黑面，你唔睬我，我唔睬你，好似細路仔咁，你估我地仲細咩? 我地咁大個都仲用呢招，好無聊!! 算數!! Sorry我點都會講，為左o係屋企好受d，我一定講!!! 佢都係條氣唔順o者，我做衰女講聲sorry，有咩所謂喎??