考試終於都完結左，又可以放低d睇完都唔知知咩既notes，考試前嘅心情十分輕鬆，一d都感覺唔到呢個考試帶到咩壓力俾我，唔知點解，兩份卷都好似唔係好難咁，兩次考完出黎嘅時候都覺得應該夠合格，但係兩次出黎都係聽到有其他同學仔話”今次應該都係唔合格喇””唔知合唔合格到呢？”咁究竟‥‥我係咪真係合到格呢‥‥考試之前都唔想兼唔會溫書，覺得好似考完都唔知點咁，合格同唔合格，都帶唔到d咩俾我咁，隨著考試一日一日咁迫近，鬥志亦逐漸被磨蝕掉，跟住考之前果兩三日又會番學校同d同學一齊好努力咁溫書，係咪因為見到人地咁努力，所以自己先盡下力溫埋果一兩日呢，或者其實只不過係唔想浪費左d錢先繼續讀，雖然次次最後都好幸運咁俾我過到關，但係‥‥。好彩嘅話，讀埋下年就畢業，之後會點，繼續讀有關呢科嘅degree(如果有得讀嘅話)？我諗‥‥都未必會，對呢科嘅興趣一路咁減少，同當初所想嘅好似越黎越唔同咁。出黎做野？或者，揀過第二d科讀掛‥‥都係出年先再算‥‥。考完試，又可以繼續踢波，呵呵呵，歐洲國家盃嘅關係，黎緊呢十幾日都要好夜先有得訓‥‥番工、睇波、訓覺、番工、睇波、訓覺‥‥不斷咁重複‥‥咁樣落去，我會唔會虛脫而死架‥‥‥