三更半夜,
除左 d 室友係床上典下典下哥d "時絲雪雪" 既聲之外,
仲聽到把老爺風扇轉動時既聲.
夠哂夜闌人靜啦掛?
呢d 時候, 通常就係我思緒比較活躍既時候啦.
諗下東, 諗下西.
諗下你地, 諗下佢地,
又唔差在諗下我自己...
啱啱十一點左右同阿柏仲有兩個frd 去打波,
呼~ 好耐冇做運動啦. (肥到豬頭咁)
打到成身軟哂. 就咁坐係度吹下水.
吹到最後都係講番自己.
兩年lu. 渾渾噩噩咁過左兩年~
我係台灣呢兩年得到d 咩呢??
問自己, 真係答唔出.
苛刻少少, 做廿年人, 我又得到d 咩呢?
或者啦, 每個人都曾經得過獎.
我都唔例外啦~ ha.
但係如果憑哥d 小小既獎項黎對我自己過去既評定.
我諗我自己充其量都係一個60 分既人.1 分都冇得再多~
真係好想好想好想做好一樣野,
一樣野就夠.
大學已經過左一半.
我知道如果淨番哥半都係咁過的話,
我一定會後悔.

或者係我自己唔識得把握.
唔只一次,
當機會黎既時候,
我冇去把握, 冇去珍惜
天真到以為機會係會等人既. 可笑吧~
而當我有一日發覺機會已經唔屬於我既時候.
我唯一可以做既就係好似而家咁呻一呻.
嗯~ 冇錯, 我就係個咁既人.
所以如果我成世都係一事無成的話,
我只會覺得係--------活該!