欺騙自己
很多人對一句說話，都好耳熟能詳，就係：「呢個世界，呃其他人難，不過要呃自已就更難。」

即係話，欺騙自己係一件好難的事。如果你問我呢，我自問就連人地都呃唔到啦，何況呃自已？

記得好耐之前，即係王子重未受傷同失憶之前，我問過佢一次：

「王子，到底你可唔可以做到「呃到人，又呃到自己」呢？又或者係，有冇可能做得到呢？」
「mimu仔，呢樣嘢呢就真係好容易做的，首先你要呃到人地先。」
「咁要呃埋自已呢？又應該點樣做？」
「傻仔嚟嘅，你呃唔呃到自已，除了你自已知之外，邊個會知呢？所以呢，只係depend on你自己而已，你覺得呃到，就已經呃到的啦。」
「….我講真架，你認真d好唔好？」

其實我係想問佢一d關於我解決唔到的感情問題（王子響呢方面有幾pro，我都唔想成日講啦，我都覺得好悶）；只係，我都未講，佢已經估到了…

「mimu仔，我知你想問d乜，而家就答你，咪咁angry啦。做人咪咁容易畀人睇穿你諗咩先得架…」
「嗱，mimu仔，聽住啦，你係咪想同姐姐講分手，唔想再無了解期咁等呀？咁…」
「你點會知道架？我都冇同你講過？」
「睇你平日個樣都估到大半啦。我都未講完，咁但係你又講唔出口wor…」
「…係lor…」
「好簡單，口講唔到，用msn打出嚟。」
「咁我係咁樣做呀，死人頭。」
「而家你最煩嘅，係你根本就放唔低佢，係咪？」
「點解你次次都可以知道我諗緊咩的呢，死人頭？」
「好簡單，因為你單純得嚟又蠢又懶。況且，我連人地傳波傳去邊我都睇穿晒啦，你wor？easy啦。」
「….」
「mimu仔，姐姐係咪又問你點樣可以畀多d安全感佢呀…」
「好似有，但係我唔記得佢係咪咁問；總之都差唔多啦。不過，點解你會知呢？」
「我估下而已，點知原來真係有問到。」
「咁我應該點答好呢？」
「你地而家係咩關係呢？咁就可以有唔同的答案的啊。」
「佢話我地係朋友。」
「or…咁你都可以節省一點啦，朋友之間要安全感的嗎？邊個同你講要架？」
「我唔知wor。」
「呢個答案，係可以幫你反敗為勝嘅皇牌；不過，我唔會講你聽嘅。」
「點解wor？」
「因為你而家的情況，講了出來，你贏的probability都係得嗰1%。講淺白點，人地根本就唔會鍾意你，根本做咩都冇用。」
「我唔理呀，總之我要知道個answer呀！」

到最後，王子都冇同我講，我最後都唔知個answer係咩。

之後，我一直都嘗試去呃自已，等自已可以慢慢唔記得；不過，我根本就做唔到。我始終都忘記唔到姐姐…

原來，扮堅強係好辛苦；不過，有d嘢，扮唔記得就重更加辛苦…

因為，呃得了自已的心，都呃唔到自已的感覺。嗰種感覺一日存在，我都重未可以真正放得低一d嘢。

嗰d嘢係咩？