隱藏的力量

之前我講過，上帝會給予每個人一種能力，個個都唔同；與此同時，佢都會收埋了一種特殊能力畀每一個人。

呢種隱藏的能力，唔係個個人都可以發現到；同埋，都可能唔止有一種能力tim…

不過，只要將兩種能力一齊使用，其威力係超乎想像的。

就王子而言，上天賜予了佢防守的本能，加上佢隱藏的特殊能力 – 敏銳非常的感覺，因此佢響7人足球場，近乎無敵，幾乎冇人可以射穿佢的十指關。

至於我嘛，上帝冇賜予我好似王子咁的力量，我擁有的只係永不言敗的鬥心，令我唔會咁容易遇到挫折就放棄。

不過，原來王子的感覺，卻原來已傳到我的身上；所以，我就憑此轉型成為一個二傳型的前鋒，為隊友製造埋門機會。

其實，從小時候開始，王子和我都希望成為一個出色的足球員，我打前鋒，佢做守門員，一攻一守；不過，後來我卻放棄了足球，選擇去尋找自已的真愛，剩下王子自已一個向這個目標前進。

到了現在，於追尋心中所愛而令王子身受重傷的我，只可以全心全意繼承王子的夢想，響佢好番之前代佢完成

這幾個星期，我都係以前鋒的身份出場，而唔係代替王子做守門員。

在這個新位置，我也表現得不錯，不只可以與我的隊友施展「前掩後上攻擊」和提供致命傳送，更可以於角球時於禁區內造成如同空門的混亂，同埋響門前捕捉入球機會。

不知為何，弄得人地條防線立立亂，總比入波嚟得開心。可能我都同王子一樣，有種鍾意「阻住個地球轉」的性格。

對於而家經常可以以正選出場，我真係好開心；只不過，我真係好想王子可以好番晒，畀佢見到我踢得幾咁好。

但係，雖然佢的傷已經完全痊癒，但係佢可以記番起以前所有嘢的可能性，已經愈來愈低….亦即係話，以前的王子，已經冇乜可能會返嚟啦…