節日攻防戰

而家已經10月啦…又輪到所謂嘅「節日週期」啦。

以前王子重響度的時候，我同佢響呢段時間會玩一個好無聊的遊戲 – 就係「節日攻防戰」啦。

每逢d咩大節日，例如中秋節、萬聖節、聖誕節…..同埋佢同我的生日，就係我地的比賽日，而項目就係要搵節目，同自己鍾意的人一齊過就係「贏」；同friend過係「和」；嗰晚冇節目，要響屋企訓覺的就係「輸」。

我地以逐個節日計的，而且只計到下年3月。

玩了咁多年啦，王子前幾年的戰績係全部和晒，未贏過，都冇輸過 (同佢與其他人隻揪的戰績居然一樣)。不過，前年的萬聖節，王子終於輸了。雖然佢又冇咩特別唔開心，不過我覺得其實佢係好介意的…

至於我，我就輸足咁多年啦，開頭贏過一場，之後到而家都未贏過，和都和唔到呀….

而家王子重未好番，呢個game就得番我自己玩啦…

以前，我就算輸了，我都可以跟住王子出去玩；不過而家，我連唯一的路都冇埋了；就算王子變番以前咁樣，都未必可以幫到我…

距離第一場節日攻防戰重有半個月時間，如果王子的說話係啱的話，只要我一直堅持、努力落去，奇蹟就會出現響我的面前；之但係，我有一種不祥的預感，最令我不安的係，我呢幾個月來，不祥預感的成真率係有98%.....

即係話，當我預見自己遇到麻煩的時候，我就一定會同呢d麻煩嘢撞個正著。

我真係好驚呀….