我諗我可能真係好遲鈍......
我都知我唔應該諗得咁多同咁複雜......
我都認我係受咗之前睇牌嘅影響......
不過......佢咁嘅行為,真係好難令我唔諗wow......

大家都叫我唔好諗,順其自然,不過大家又鼓勵我去馬...
問我覺得佢個人點,對人有無好感......
又話做住朋友先law~~就當係俾次機會人哋,又俾次機會自己......
唔係就係叫我主動d........

其實我對佢可以話無咩感覺~~
只係覺得佢係我身邊其中一個好普通嘅同學...見到面,打招呼,係咁多.......
我都覺得假以時日,佢都會有機~~
起碼原先佢由一個我唔留意嘅同學仔變成一個令我留意嘅人......
不過距離好感真係......

俾機會哩個問題......
其實我都想俾佢......不過唔知點解,我對住佢就係覺得好驚......
個個人都話佢實係做咗d嘢令到我驚ka,咁係咩呀??
我就答佢哋:「我好唔鍾意佢真人同係ICQ度嘅態度有咁大分別!!同埋我唔鍾意佢望我嘅眼神,明明係望緊我,咁我望番佢個陣,佢又好似係度迴避咁wow~~」
點知個個聽完,都話我遲鈍!!!!
話當對一個人有好感個陣,就係會有咁嘅反應!!!
因為對你有好感,所以見到你個陣,佢就會成日望住你,到你望番佢個陣,佢就因為驚俾你知道佢望緊你,所以就迴避你望佢嘅眼神~~~
因為對你有好感,所以見到你個陣,佢就唔敢同你講嘢,但係返到屋企玩ICQ見唔到你個樣,所以講嘢就會大膽d......
我心諗,係ka咩???如果係,我諗我真係好遲鈍la......

至於主動哩個問題,我諗係我有生之年我無咩可能再發生..........
以前曾經主動過一次,點知換番嚟係......
所以我就同自己講我係唔會再俾機會自己做主動......
而且如果我真係做主動嘅話,咁即係我對佢都有d嘢la~~
但係我宜家真係無wow~~雖然話大家都要try下先知夾唔夾...
不過我就覺得如果你對人連基本嘅好感都無嘅話,咁係唔係對佢好唔fair呢???
我唔想hurt到人ne~~~

或者可能由始至終,都係我想得太多la~~又或者都係我一廂情願~~
可能佢真係好普通咁想約個朋友出嚟行下街~~~
而我都真係好希望可以係咁~
咁我就可以唔駛覺得咁煩~~~><