識我嘅朋友仔都會知我係一個幾鍾意玩占卜,睇星座嘅人,甚至有一段時間我係非常沉迷研究~~撲克牌占卜,銀仔占卜,花語占卜,茶葉占卜......就連塔羅牌我都有研究過~咁當然就唔係好pro la~~~

問我係唔係好相信哩d占卜,我諗應該係憧憬將來先啱~~~每個人都會好憧憬自己嘅將來,而我就係透過占卜,想像一下自己嘅將來,或者我係一個好愛幻想嘅細佬女吧~~~所以每一次占卜完之後,我都唔會特別將個占卜結果太上心,我諗係我內心深處其實都唔係好相信嗰幾隻牌可以講得d咩~~~不過咁嘅想法只係直到啱啱過咗嘅星期日~~~

係星期日,我第一次正正式式玩一次塔羅牌!!!其實我都係抱住玩玩下嘅性質,想聽下師父會占卜到我d咩~~起初我所問嘅問題得出嚟嘅結果都令我好滿意~~第一題問自己自身問題個陣,佢已經講係我一個好幸運嘅幸運兒,由出世開始~~幸運就已經跟住我,到之後,無論我問家庭,學業,事業,同拍拖,婚姻,我都係好lucky~~但係唔知點解,又一隻代表唔開心嘅牌同有阻滯嘅牌都跟住我好幾局~~姑且勿論我會有d咩阻滯,因為我自己都無可能知自己會有咩阻滯,不過講起唔開心,我個一刻真係諗唔到~~~直到問咗其中一個朋友嘅問題時,我就知自己點解會唔開心~~聽完個一刻,眼淺嘅我同小枝都忍唔住喊......(嚇死在場嘅所有babies ne~~)因為唔願意相信結果,所以到小枝問個陣,佢又再問同一個問題,點知結果都係一樣,我同小枝又忍唔住再喊......(師父話佢係第一次同人占卜會有兩個女仔一齊喊ne~~)

雖然好想同自己講係巧合,不過如果係72張牌度,自己親手抽10隻出嚟,而且大家問嘅問題所抽出嚟個10隻有n隻以上都係一樣,就連最關鍵個兩隻都有一齊出現...同埋最重要係師父之前係完全唔知道我哋係問埋同一個朋友!!!係佢解完牌之後,話小枝同我之前問嗰個朋友嘅結果都係一樣,先問我哋係唔係問緊同一個人.....咁真係好難說服自己,叫自己唔好信......


命運哩家嘢真係好奇妙~~
其實我從來都唔相信自己係一個好幸福嘅幸運兒......
但係如果我真係咁幸運的話,我真係好希望可以將我一半既幸運分俾"她"!!!
我都好明白,好多時係唔輪到我哋擔心,不過......唔通我哋又可以放心咩???
小枝問得真係好,「究竟我哋跟住命運走定係點呢??」
我都好想知~~~
就算真係有命運,我都希望我係掌握命運,而唔係認命!!!