經過一年三日連環咁去拜年之後,我得到一個總結!!!!
就係宜家d細路真係好無家教,好乞人憎!!!

由年初一開始,不論走去搭地鐵or火車,都會見到好多細路仔當個車廂係遊樂場!!!!
有d就不停跑來跑去!!!
有d就跳上跳落!!!
有d就不停係度轉,係度”fing”!!!

起初我都會同我阿媽一齊唱下雙簧~~
一齊講「哩度唔係遊樂場呀!!!」
如可惜嗰d細路嘅家長係無動於中law~~
個陣真係有d火起!!!
最離譜係喺搭火車嗰陣,有個細路係度轉來轉去,踏到一位女士嘅腳度,
個細路竟然連最基本嘅「sorry!!」都唔講!!!
不過最仆街就係個細路嘅家長可以若無其事!!!!!
真係覺得果然有咁嘅老豆老母,就有咁嘅仔!!!
不過算數,佢哋唔係我d仔女!!我無畏幫人教仔la!!!

到咗年初二,一樣係見到咁多生「金秀」鐵!!!!
見到都係好火!!!!
我心諗,唔識教就唔好生la!!仆街!!!

我已為年初三,我唔駛出去拜年就應該會好d la~~
點知我仲火!!!!!!!
話說我表叔表嫂同佢個仔嚟我屋企拜年~~
起初見到佢個仔都覺得ok la~~起碼無出面嗰d咁勁!!!
咁我身為主人,點都要招呼下哩個細路~~

初初佢撞到我一次,我以為佢係唔覺意,咁就算la!!!
點知到第二次,第三次我就覺得個細路開始想挑戰我!!!!
我心諗有咁大條路你唔行,係要行窄個條路!!!
撞到我又唔講「sorry!!」,真係食蕉wow!!!
不過你係細路,我忍!!!!
之後玩我個gameboy又好似好老馮咁!!!!
算!!!! 你係細路,我忍!!!!
到咗去食飯,unlucky,我係坐係佢隔離!!不過好彩係隔一張chair!!!!
咁我就用嗰張chair放褸!!!
嘩,佢食嘢個陣真係無得頂law!!!
挑食物,飛象過河,講得出嘅花式都有play!!!
最搞笑係食京都骨d菠蘿,佢見到我食咗一粒,驚死我同佢爭,佢一次過夾哂落個口度!!!
我心諗,你都痴x線!!你咁鍾意食就俾哂你law~~
我聽日自己買罐菠蘿自己eat!!!!
個細路食完之後無所事事,就週圍搞搞震!!!
之後仲整跌我件褸,又唔出聲!!!
我個陣真係火到阿媽都唔認得!!!
不過因為要俾面我老豆阿媽,所以我忍!!!!!!
個刻絕對feel到敢怒不敢言嘅滋味呀!!!!

之後就好辛苦,好似等咗好耐佢哋終於都走la!!!!
我老豆同媽咪絕對feel到山雨欲來風滿樓嘅感受!!!
我就好似狂風掃落葉,機關槍咁勁剷個細路!!!
可幸嘅就係我今年先見到佢,因為媽咪話佢上年仲厲害!!
而且今年只係得個仔嚟,個女未出場,因為傳說中個女仲勁,仲串!!!
如果佢嚟埋,佢一定會挑戰我!!!!

我真係好唔明點解宜家嘅細路仔會變成咁!!!!!
如果比著係我以前,我阿媽唔打「擭」我都唔係我阿媽!!
以前媽咪最多係我個頭度打間房出嚟,咁樣我已經係好曳,好嚴重個隻!!!
宜家d細路已經唔係打間房,打層樓,甚至係一個屋苑law!!
就已今次個細路為例,我係勁想係佢個頭打兩個鎮出嚟law!!!!!

真係衷心希望宜家d人生之前,諗清諗楚自己識唔識得教仔先!!!
唔好令到個社會有咁多生「金秀」鐵!!!!


P.S.
我老豆同阿媽都覺得我第日個d仔女會好慘!!!因為佢哋要受番佢哋阿媽---
即係我,以前所受過嘅懲罰!!!!!!

註解: 生「金秀」鐵 = 天生犯賤,唔打唔得!!!!!