前日同idy一齊去睇女子十二樂坊~~真係好嘆為觀止,值得一睇呀!!!!!

之前係HMV試聽過佢哋隻CD個陣已經覺得佢哋好得ka la,所以當佢哋話係香港開concert個陣,我真係幾有衝動去睇!!!!

係我身邊嘅朋友之中,好少係會去留意哩類型嘅音樂,
所以當時第一個諗起就係karen~~可能因為佢係學單簧管la~~
所以一諗就諗起佢~~~^^我諗佢可能會有d興趣~~~
但係karen同我講唔肯定嗰日得唔得閒,就係咁,大家就開始忘記咗有咁嘅事la~~><

之後有一日同idy行MK個陣,經過d CD鋪,idy就問我有無興趣睇女子十二樂坊,因為佢話好想去睇~就係咁,大家就一拍即合la~~(lucky你個日有問我咋~~~)

入去紅館個陣,真係好似有入大會堂嘅feel呀~~~
平時一入紅館,一定會係好嘈,好多螢光捧,不過嗰日入去就係好安靜la~~~

我佢哋演奏嘅第一首歌係奇蹟~~第二首就係自由~~~
聽CD個陣已經覺得哩首歌好震撼ka la~~live聽仲正!!!!!

拉二胡嗰幾個真係拉得好爽!!!!就好似係度剧嘢咁!!!!!!!
彈琵琶嗰幾個d手指就好似抽筋咁!!!係咁撥係咁撥!!!!
吹笛同吹蕭嗰兩個就好似唔駛運氣咁!!!不停係咁吹!!!!
玩楊琴個兩件仲勁!!!好似玩扑傻瓜咁!!!係咁打係咁打!!!!
不過最最最勁係彈古箏嗰件!!!!好似有6隻手拍咁!!!係咁彈!!!!!!

嘩~~真係唔睇過都feel唔到佢哋嘅震撼呀!!!!!
佢哋奏SMAP個首<<世界上唯一僅有的花>>真係好好聽,好感動~~
不過點都唔夠<<東京愛的故事>>嚟得感動!!!!!!!
真係聽到我好有衝動流淚呀!!!好感動!!!好HIGH!!!!

聽完女子十二樂坊之後,我有一刻係度諗如果佢哋幫L'Arc-en-Ciel伴奏一定會勁正!!!!
一諗起用中樂奏anata, pieces, forbidden lover, winter fall, flower......就覺得好正la!!!
我諗下一次佢哋再嚟香港開concert,我都會去睇!!^^

雖然我係祟洋,不過偶然聽下我國嘅精髓都唔錯!!!
本人十分推介---女子十二樂坊!!!!

女子十二樂坊hp:
http://www.platia-ent.co.jp/artist/jyosi.html