mukim!!!!大心大心!!!我今日好開心!!!!!
因為我今日做咗媽咪la!!!!所以好開心!!!!

哈哈~~~今日終於都收到宣明會寄俾我份野la!!!!
我收到個陣真係好鬼緊張呀!!!!
個心不停係度諗係仔呀,定係女呢??
幾多歲呢??住係邊呢???係唔係孤兒呢??
佢會唔會鍾意我呢??第一次送d咩俾佢呢??
個腦就係有好多好多問題,好多問號??問號???

因為太開心,太緊張嘅關係,所以就忍唔住叫媽咪陪我一齊睇la!!
一開~~大心呀!!!係一個好得意好得意既小妹妹呀!!!!
佢個樣肥嘟嘟,笑起上嚟真係好可愛!!!真係好想"meet"佢塊面呀!!!^3^
除咗佢好kawaii之外,另外一樣我覺得係bonus嚟ka!!
就係佢同hyde同一日生日ka!!
可能因為係咁,令我更加想寵佢!!!!(我都有d覺得自己好食蕉!!)

不過個小妹妹真係好好好得意,如果有機會,我真係幾想去探佢!!!!
(佢係蒙古人,所以如果真係想探佢,真係好近!!)
可能因為忽然多咗個女,令我有d母性大發!!
好想知道佢嘅嘢!!!

我個女個名叫oyumdari~~個名太長la~~
而且如果我用日語發音嘅話,個名都變得有d古怪~~
所以我就索性幫佢改咗個名叫童童~~
哈哈~~我唔係因為鍾意王菲先叫佢做童童ka~~
係因為我個女睇落好似我媽咪!!(所以我媽咪都同我一樣勁鍾意佢呀!!)
咁我成日都話我媽咪係河童,所以睇到我個女,我媽咪就忍唔住叫咗佢做小河童!!!
不過我覺得小河童個名太......所以我就改咗叫童童la~~~kawaii d^^

估唔到可以係新年之前做咗媽咪,真係令我好開心~~
我媽咪同爸爸對於忽然升咗做婆婆公公都好開心~~
特別係我媽咪~不停咁係度講「我送d咩俾佢好呢??佢會鍾意d咩呢??」
至於我爸爸就不停笑笑口咁講:「你有一隻大河童,又有一隻小河童~~」
細佬就係:「yo~我做咗舅父呀~~型呀!!」

不過點都好,做咗媽咪就要有責任錫佢!!
真係好期待佢嘅回信呀!!!!
我嘅kawaii乖女童童!!!