仲有唔夠24小時就到2004年la~~唔知點解覺得今年過得好快~~~
2003年 --- 對於我嚟講係好重要,令我有好多回憶嘅一年~~

好多人都話2003年係好難過嘅一年~~最令所有香港人有慘痛回憶一定係SARS!!!我都好記得係SARS個陣時間,自己都係好緊張~忽然變得好神經質~~口罩,滴露沐浴液,消毒紙巾~簡直係瘋狂使用呀!!!!日日都耳提面命咁同屋企人講要乾淨呀!!要帶口罩落街呀!!返嚟記得洗手呀!!!宜家諗番都覺得自己好好笑~~不過係當時,我諗每一個香港人都有哩D反應~~~最令我特別難忘係我記得有一次我係試過係一日之內洗咗21次手......

係我哋好辛苦捱緊SARS個陣...張國榮抑鬱病發,墜樓自殺......
我唔知有幾多人會唔開心,不過我肯定自己係其中一個唔開心嘅人......
雖然我最愛唔係Leslie (識我嘅人都知我係激愛阿Sam!!!)不過就係覺得好唔開心,就好似一個睇住你成長嘅人離去一樣...有種失落...記得當日收音機報導個陣,自己仲好平靜,無咩嘢咁,到第二日睇報紙,都只係感到惋惜,不過當晚睇佢嘅電視特輯個陣,d眼淚就忍唔住流la......

之後嘅七.一大遊行,政治風波...直到尋日我都仲以前今年應該完la~~唔會再又大鑊嘢掛~~~點知...梅艷芳係尋日12月30日,因癌症引致肺功能失調死亡......
唔知係我哋生命脆弱,定係真係流年不利呢???

雖然係2003年有咁多令人唔開心嘅事,不過我仍然覺得2003年係令我充滿好多美好嘅回憶!!因為有彩虹 --- L'Arc-en-Ciel!!!

我永遠都記得2003年7月1日係我第一次睇laruku嘅演唱會!!!!!
2003年7月2日,係我同yukihiro第一次有眼神交流嘅日子!!!
2003年7月6日,係laruku提早送生日禮物俾我嘅日子!!!
亦都係同一日,laruku復活!!!
除此之外,今年我又學咗打第一首歌 --- forbidden lover!!!!
之後又收到2000 REAL yukihiro ver. DVD!!!!
買到yukihiro對鼓棍,同drum key~~
同埋成為Le-ciel member!!!
另外就係今年多咗個小栗乖仔~
又可以係日本見到Die san!!
又可以識到好多新朋友~~~
我諗如果無咗佢哋,我一定會過得好灰!!!!

2003年好快就過la~~之後就係我好期待嘅2004~~~
有好多好多令我期待嘅事都將會係2004年發生~~~
真係好希望係新嘅一年,會有新嘅好景象!!!!!
お正月めでとうございます!!



P.S.
今日同小枝傾開計,突然諗起好眼淺嘅我第一套睇到我喊嘅戲就係<<胭脂扣>>......
咁啱男女主角---Leslie同Anita都先後走咗......
我係度諗,十三少同如花終於都可以係埋一齊la......