日子又係一日一日咁過,話咁快仲有一日又過一年la~~~
今日同Idy一齊去睇<<無間道III>>~~
雖然有勁多人同我哋講今次嗰集唔係咁掂~~不過既然我哋之前都睇咗I同II,無理由唔睇III嘅~~就係因為咁,我哋死都要堅持去睇~~~

可能因為大家對套戲嘅評價唔係咁高la~~所以我同Idy都唔係抱住好大期待入去睇,或者就係因為咁,令我哋覺得套戲更加精彩ne~~~

黎明 --- 一直都被人話佢演技平平,不過我就覺得佢做得好好la~~佢個種一切都在我掌握中嘅表情,真係會令你忍唔住諗,佢究竟係忠定係奸呢???
特別一提就係佢同劉華玩心理戰個幕真係好正!!!

梁朝偉 --- 一反佢前兩集陰暗無奈嘅表情,今次會覺得佢非常之funny~~唔知哩d係唔係就係自得其樂嘅感覺~不過當佢講「我嘅工作就係要不斷出賣身邊嘅朋友...」個一刻真係好feel到佢既無奈...

劉華 --- 好多人都覺得佢係應有此報,不過係另一方面睇,其實佢都好慘~~
戲入面佢有一句經典對白「我想做好人!」其實真係有d諷刺......
佢好想做一個好人,可惜佢行錯咗第一步,所以佢之後就不擇手段,目的只為一個---「想做好人」!!!

其實其他角色都做得好好,而且每一個角色我都有反思,
我會覺得其實每一個角色的特徵和思維,都同生活係身邊嘅人有某情度上嘅共通點,
不過最令我有好大反省同反思嘅反而係劉華哩個角色...
我覺得哩個角色就活活咁同我哋一齊生活...
想做好人=我哋永遠都係想做到最好,最prefect,不過事實往往係相反~~為咗得到想要嘅成果,我哋永遠都會搵到好多藉口,理由...有時為咗想更好,明知第一步已經係錯,但係都要繼續落去...

戲入面,劉華有一個比死更難受嘅ending,
咁現實之中又會點呢???

<<無間道>>本來係一套幾普通嘅電影,
不過如果細心思想嘅話,你會發掘到好多好顯而易見嘅道理同人生觀!!