男人都要面
作為半個麻甩佬,我覺得男人既一d所謂自尊
其實都幾愚蠢

十個男人十個都想自己女朋友仲係處
但係通常佢地自己都唔係處男
老實講,原因都只不過係果種盲目既佔有慾
我為左呢個愚蠢既需求諗左個好好既藉口
各位兄弟下次俾人問到呢條問題
大可以講'咁佢唔會質疑我既性能力嘛!'

男人生出黎都係鐘意威
今時今日男人同女友出街食野仲死要爭俾$
我地唔可以否認女性今日已經經濟獨立
爭俾$真係唔會型d
好多朋友都為此而終日愁眉苦臉.....

又有一d男人因為女朋友成就或者成績好過佢
覺得自己冇用,襯唔起佢,更甚者老羞成怒....
'女子無才and財便是德'其實所言甚是

啫係咁.....
又有幾多男人唔知呢d尊嚴戇居到暈
只係呢d尊嚴與生俱來,任佢講到點開通
始終都係口不對心
女人,請原諒男人愚蠢既尊嚴....
我意思唔係話要助長呢d戇居既原則
而係要令佢地擺脫呢d心魔,放低'男人最勁'呢種無謂既假設
天下男人,包括我在內...都唔使咁辛苦啦.....