我琴日去咗中華廚藝學院上咗一日的訓練班/興趣班.
我學咗一個正中糯米糍的做法.
原來仲有另一種我從未諗過既方法去整糯米糍.

我以前都試整過,
但因我冇受過正統既教學,
從未學過於整糯米糍時當中既技巧,
導致我以前o係整既過程非常辛苦.
而且諗番起覺得自己的手功藝好苯拙.

呢種糯米糍皮食落去又軟又好味.
仲可以玩不同味道的糯米糍皮,如朱古味同綠茶味.
我同時仲學咗其他手藝,好開心又學到新野.

我想講呢款糯米糍既味道,
材料同普通的差不多,
分量亦不會有好大既分別.
最緊係包o個陣時既手法同技巧.
將成舊蒸好的皮可以攤凍幾分鐘先包,不用驚凍咗包唔到.
跟住可以將舊皮沾上椰絲以防黏手,
以皮薄多涵為原則.
最後拿一手椰絲好似搓圓舊泥膠咁將糯米糍整形.
咁就可以做到靚既糯米糍.