唔知係唔係對咗佢地十幾年
總覺得佢地同自己好近好近
晌我心裏面個個人都有一個形象
佢地就好似一個家庭裏面既四兄弟咁:
家駒係大哥, 負責落order
佢係最叻既, 又肯照顧其他兄弟
佢或者係有d缺點, 有時又會犯規
但係因為佢係大佬
所以個個人都聽佢話
阿榮係二哥, 佢係最乖, 最體諒人, 亦係最冷靜既
佢負責管住幾隻馬騮
見到佢地打交就去做和事佬勸交囉
見到佢地不顧一切既時候就提醒佢地要做乜野
所以佢平時係最少出聲發表自己意見
但係一到緊要關頭就係佢第一個企出黎
阿paul就係三哥啦, 佢都叻, 但有時就俾人忽略咗
佢睇黎好似唔駛人地就佢
但係其實佢好想人地留意佢
好想人地聽佢意見
所以佢一直努力咁做d成績出黎俾其他人睇
唔駛講, 阿強就梗係細佬啦
佢最細個, 最得人寵, 最唔識諗
因為上面有幾個大哥撐住佢
所以佢成長得好慢(佢自己都承認), 性格亦都好軟弱
當大哥走咗, 兩個哥哥都想做自己既野既時候
失去保護既佢就覺得好迷惘
直到而家先至識得自力更生
喊包強因為嬌生慣養, 一副少爺仔性格
所以佢事事都想人地遷就
大哥二哥當然會就佢
但係三哥就唔會
或者因為做第三既話大唔大話細唔細
對照顧細佬既責任感冇咁大
加上佢地都各有自己既一套諗法
又好堅持自己既立場
所以佢兩個經常有衝突
以前有大哥晌度佢地都可以相安無事
但係大哥走咗之後, 二哥就漸漸管佢地唔住
所以佢地兩兄弟之間既感情就越來越唔好……

……唔知事實係唔係真係咁呢?
我總覺得一向好脾氣既阿榮唔會係主要既問題所在
況且佢自己都話仲未揾到自己既方向
咁又點會同佢地有意見分歧呢?
不過我認同, 意見分歧唔代表不和
佢地冇辦法com出一個共識繼續堅持beyond
實際上亦冇時間再堅持落去
咁我都寧願佢地好光榮咁離場
好過有朝一日俾人話佢地越來越唔得
每一個愛beyond既人如果聽到人地咁講
一定會好嬲, 好心痛

****************

其實真係唔覺得自己係瘋狂既beyond fans(雖然好多人都覺得我係)
我由細到大都冇話見到佢地既product就買
就算買咗又唔會好細心咁儲起哂
更加唔係逢function必到追哂車o個d
我只係當佢地出cd就會買, 有concert就去睇
係好默默支持o個一群
但係原來咁樣, 感情反而先係最深, 最長久
我可以好肯定咁講一句
我永遠都會鍾意Beyond!!

PS 有時睇返佢地d mv真係好開心~~
Highly recommend<昔日舞曲>
佢地真係好green!!
下個目標係<莫欺少年窮>~~