2006-07-10 14:32:21VA枝
小氣
我係一個小氣既人我自己都知更何況我身邊既人呢, 大家都好了解我係咁所以都唔理我由得我既, 我發現我近來小氣既程度越黎越厲害, 我自己都有靜落黎唸一唸究竟我係唔係可以唔嬲呢, 其實真係喎, 因為發生既事都係控制唔到而且亦都係要做既, 不過個心始終都頂住條氣都唔太順咁.. 講比我知係因為唔想講大話但亦都知我嬲硬不過都照講, 我應該用咩心態去面對呢?感謝定係憎呢? 我都唔知, 我亦都有講我話我明咁做係正常但我嬲亦都係正常, 係喎, 大家都明白但都係要嘈一嘈先開咁..
個個人都會小氣，有d show出黎，有d 放係心度。不過，如果朋友係事後及好好態度同你講，你真係要認真諗下lor。但係有d 人識話人唔識話自己果d..可能係借d意話你，咁當然你冇必要感謝佢，但亦唔駛憎佢，費事等佢奸計得拯。同小氣的定義好難介定，每個人對每樣野的接收唔同，有d你聽了會嬲，但人地覺得好小事，相反，你覺得小事，人地會嬲。所以，小氣一陣唔緊要，唔好擺係心同埋笑番lor..hehehe..
hehehehe 我呻完出黎之後好多時都無左件事.. 係個一下嬲爆啫..
我身邊當然有d借d意比野我聽但又扮frd既人啦, 我自己識分d人係好定唔好..”話不投機半句多”所以個d我多數可以避都會避因為唔想為左d無謂人浪費我既氣力..