我個腳受傷了, 個日係公司跑番埋位聽我老闆電話咁就整親隻腳, 初初只係覺得有dd痛但之後就越黎越痛同腫左所以就去睇跌打, 我一路都覺得無咩事我仲等到第二日先睇, 點知阿師傅一整我就覺得痛, 到星期五我又無時間喎所以就無睇啦, 星期六又就唔到又唔睇啦咁就等到尋日同今日先睇, 我自己覺得我個情況好似差左, 因為師傅話要連住睇會好d. 咁所以聽日我會乖乖地去睇囉.

星期六個日無去睇跌打之餘我仲走鬼左過海去打保齡因為大家都唸唔到有咩好做而好耐又無玩過所以就去囉, 去到玩左陣仲見到劉德華, 李克勤同佢女朋友, 劉德華個樣好假好似假人咁我唸佢個妝可能化得太厚總之望落去就唔係太好睇咁啦. 而李克勤同佢女朋友反而就簡簡單單咁都幾ok喎, 佢地搵唔到個門我仲指比佢睇係邊tim. hehehehe 打左3個game我地就去食飯之後睇戲, 套戲都ok啦起碼我無比人阻住我而睇唔到先.

成個星期六到呢個時間為止都係玩得開心既..