【語言歧視】

我公司係一間英國公司，
基本上，我哋啲同事好多都係外國人，
所以我哋好多時都係用英文溝通，
但係如果係香港人嘅，我哋都會用番廣東話。

呢排我老細唔知痴咗邊條線，
話以後就算傾計都只可以用英文，
重話若果聽到任何一句一唔係英文嘅句子，
就每句罰十蚊!!

我哋第一個反應就係：F**K that shit, $10 my ass!!
當然，最後梗係冇人睬佢啦!!
哈哈哈~~


【只准 F**K, 唔准小】

我公司個廚房有套 Hi-Fi 喺度，
我啲同事通常會帶自己啲 CD 番去聽。
由於好多同事都鍾意聽 Hip-Hop,
所以經常性都 F**K 聲四起。

有一次我燒咗隻 LMF 番去播，
聽唔夠幾首歌，我老細就話我點解播啲咁嘅歌，
跟住就 Banned 咗呢隻碟，以後唔俾播。

我當時真係想鬧佢，大家都係粗口歌
點解人哋黑鬼 F**K 得, LMF 就唔小得呢?

順帶一提，我老細雖然係香港人，
但係佢就算對住香港人都係講英文，
所以好鬼死憎佢呢啲 Attitude.
假洋鬼子，間直侮辱咗自己係中國人嘅事實。


【912 選舉後感】

912 立法會選舉，你有冇去投票呢?

我嗰日晨咁早就走咗去投票，
由於事前民調都話李柱銘有可能會輸，
所以我將本來諗住投余若薇嘅一票，投咗俾馬丁。
最後係點?

由於太多港島區選民都同我抱住同一心態，
最後就搞到何秀蘭連任失敗囉。
早知係咁，我就投番余若薇啦!!


【立法會三大惡人】

講開立法會，我諗應該改名叫惡人大會，點解?
因為有長毛、鄭大班同「潮州怒漢」詹培忠囉!!

長毛同大班有幾惡，我諗大家都心中有數，
至於詹培忠，我重記得佢坐監前喺立法局講嘅「名句」
「十個男人十個咸濕，十個女人十個係鷄，
唯一分別就係公雞同私雞，我啊媽就係私雞。」

真係好想睇呢三個惡人點樣反轉立法會，
起碼肯定好睇過三色台嘅劇集呀~