2004-04-14 05:34:00秋無垢，天地無語。
我的復活節
復活節呢四日假，話咁快就放完。
到咗今日嘅唯一感覺就係：乜咁快就過咗四日啦....
如果有得揀，我重想放多幾日呢，
因為真係唔多夠喉呀~~
呢四日其實冇乜特別嘢做，
都係玩吓煮飯仔、飲飲食食、煲吓 DVD......
呢四日就咁無無聊聊咁渡過咗。
雖然呢幾日好無聊，但係好開心，
因為......好難得有四日二人世界呢 ^^
四月八日 (星期四)
收工後同長髮小姐去咗 LKF 間 California，
又順便咁 Join 咗呢度其中一位靚女網友一齊玩。
事有湊巧見到有條低B仔喺舞池度狂歡熱舞一番，
條粉皮重要懶型咁，跳到好似 Ricky Martin 。
(弊在一啲都跳得唔似，講得清楚啲，佢係「亂跳」。)
佢最攞命就係亂咁對人拋眉弄眼，
兼且把聲仲要好似練咗葵花寶典咁，不男不女。
(佢係咪嚟錯地方呢? 佢應該去 Propaganda 至啱，
至少嗰度有佢嘅同道中人，我諗會玩得開心啲。)
好在到最後嗰度啲 Staff 都頂佢唔順，跟住趕咗佢走，
否則我驚我會忍唔住，上前亂棍打 Q 死佢。
________________________________________________________________________
四月九日 (星期五)
親自下廚玩煮飯仔俾長髮小姐食 (好耐冇試過啦)
三餸一湯，白飯任裝，
雖然唔係好多，但係我都好俾心機煮架。
味道方面....我煮得嘅梗係好食啦!!
因為我係一個完美主義者嘛。
________________________________________________________________________
四月十日 (星期六)
同長髮小姐上咗深圳行街買嘢兼且做埋腳底按摩，
仲掃咗好多 DVD 返屋企煲......
嗰晚搭火車返嚟嗰陣，行到大埔墟左右，
原本坐喺我隔離個男人落咗車，
跟住我見到有個十歲左右嘅細路一支箭咁坐咗上去，
之後就見到佢亞媽抱住佢細佬行咗過嚟，
佢細佬當時瞓著咗，所以佢亞媽一直都係抱住佢，
但係呢個細佬真係唔掂，唔讓位俾亞媽之餘仲要詐瞓!!
佢嘅行為令我睇唔過眼，於是我當住佢亞媽面前串咗佢兩嘢，
跟住佢怒啤我，我就問佢：咁你想點吖??
之後佢冇出聲，但係亦都冇讓位俾佢亞媽嘅意圖，
最後我讓咗自己個位俾佢亞媽坐。
我哋搭車嘅時候，見到咁嘅情況都會讓位俾人啦!!
更何況呢個係佢自己亞媽??
見到自己亞媽咁辛苦，唔讓位之餘仲要詐瞓，
如果我將來個仔係咁，我肯定第一時間扯佢兩巴先講。
此法雖有違育兒之道，惟此乃不得巳而為之，
因此兒頑劣至此，實非聖人之道所能教也。
________________________________________________________________________
四月十一日 (星期日)
日頭睇左裴勇俊嗰套挑情寶鑑，好正!!
我覺得呢套戲喺香港上畫用挑情寶鑑呢個戲名實在唔多貼切，
因為好容易會令人誤會係韓國版嘅 Kama Sutra,
但係，佢嘅內容根本就完全唔係咁......
呢套片由頭到尾都係一套藝術片，
絕對唔似嗰啲去戲院 $50 任睇嗰啲三級片，
如果你係抱住睇三仔嘅心態，咁你一定會失望而回。
我好欣賞呢套戲，因為成套戲由內至外都好細緻，
意淫而不俗套，所有做愛場面都係點到即止。
啲佈局都幾好，一層一層咁慢慢將套戲帶到最高峰，
個結局雖然慘，但係好感人。
絕對值得一睇再睇呀!!
........................................................................
嗰晚半夜睇住皇馬喺主場俾奥沙辛拿數咗三隻蛋，
輸波之餘重要俾華倫西亞上番西甲榜首，
最慘嘅就係朗拿度傷埋，要抖三個禮拜，
呢次真係「賠了夫人又折兵」。
我心裡面有少少幸災樂禍心態，因為我極度討厭皇馬。
討厭佢好似打 Winning Eleven 個 Master League 咁，
要邊個就買邊個，只要係最勁嘅進攻球員佢都話要買。
今年買埋碧咸，夾硬擺佢打防守中場，
效果如何，大家心裡有數。
皇馬今年有六條煙又點，而家分分鐘要食白果添呀!!
歐聯喺八強出咗局、西班牙盃決賽又輸埋，
而家分分鐘連西甲都保唔住，俾華倫西亞後來居上。
再睇埋呢兩隊嘅餘下賽程，皇馬絕對冇運行，
要作客對馬德里體育會呢場同市打吡巳經夠惡哽，
之後仲要對巴塞隆拿同拉科魯尼亞!!
相反華倫西亞巳經對晒所有強隊，
剩低只係啲中下游球隊。
我諗皇馬想追都好難。
皇馬呢隊波，絕對係觀音頭掃把腳，
正一有前冇後，打死罷就。
淨係掛住攻但係唔識守，就算買埋亨利都冇用啦!!
只要皇馬一日唔改善條防線，真係妄想稱霸歐洲呀!!
________________________________________________________________________
四月十二日 (星期一)
同長髮小姐去咗西貢食下午茶 Plus 海鮮晚餐，
真係飽到上心口呀!!
嗰日天氣又好，啲海風吹埋嚟真係好舒服，
我哋一路行一路傾計，唔覺唔覺咁傾咗好耐，
呢個復活節假期，真係好開心呢 ^^
到咗今日嘅唯一感覺就係：乜咁快就過咗四日啦....
如果有得揀，我重想放多幾日呢，
因為真係唔多夠喉呀~~
呢四日其實冇乜特別嘢做，
都係玩吓煮飯仔、飲飲食食、煲吓 DVD......
呢四日就咁無無聊聊咁渡過咗。
雖然呢幾日好無聊，但係好開心，
因為......好難得有四日二人世界呢 ^^
四月八日 (星期四)
收工後同長髮小姐去咗 LKF 間 California，
又順便咁 Join 咗呢度其中一位靚女網友一齊玩。
事有湊巧見到有條低B仔喺舞池度狂歡熱舞一番，
條粉皮重要懶型咁，跳到好似 Ricky Martin 。
(弊在一啲都跳得唔似，講得清楚啲，佢係「亂跳」。)
佢最攞命就係亂咁對人拋眉弄眼，
兼且把聲仲要好似練咗葵花寶典咁，不男不女。
(佢係咪嚟錯地方呢? 佢應該去 Propaganda 至啱，
至少嗰度有佢嘅同道中人，我諗會玩得開心啲。)
好在到最後嗰度啲 Staff 都頂佢唔順，跟住趕咗佢走，
否則我驚我會忍唔住，上前亂棍打 Q 死佢。
________________________________________________________________________
四月九日 (星期五)
親自下廚玩煮飯仔俾長髮小姐食 (好耐冇試過啦)
三餸一湯，白飯任裝，
雖然唔係好多，但係我都好俾心機煮架。
味道方面....我煮得嘅梗係好食啦!!
因為我係一個完美主義者嘛。
________________________________________________________________________
四月十日 (星期六)
同長髮小姐上咗深圳行街買嘢兼且做埋腳底按摩，
仲掃咗好多 DVD 返屋企煲......
嗰晚搭火車返嚟嗰陣，行到大埔墟左右，
原本坐喺我隔離個男人落咗車，
跟住我見到有個十歲左右嘅細路一支箭咁坐咗上去，
之後就見到佢亞媽抱住佢細佬行咗過嚟，
佢細佬當時瞓著咗，所以佢亞媽一直都係抱住佢，
但係呢個細佬真係唔掂，唔讓位俾亞媽之餘仲要詐瞓!!
佢嘅行為令我睇唔過眼，於是我當住佢亞媽面前串咗佢兩嘢，
跟住佢怒啤我，我就問佢：咁你想點吖??
之後佢冇出聲，但係亦都冇讓位俾佢亞媽嘅意圖，
最後我讓咗自己個位俾佢亞媽坐。
我哋搭車嘅時候，見到咁嘅情況都會讓位俾人啦!!
更何況呢個係佢自己亞媽??
見到自己亞媽咁辛苦，唔讓位之餘仲要詐瞓，
如果我將來個仔係咁，我肯定第一時間扯佢兩巴先講。
此法雖有違育兒之道，惟此乃不得巳而為之，
因此兒頑劣至此，實非聖人之道所能教也。
________________________________________________________________________
四月十一日 (星期日)
日頭睇左裴勇俊嗰套挑情寶鑑，好正!!
我覺得呢套戲喺香港上畫用挑情寶鑑呢個戲名實在唔多貼切，
因為好容易會令人誤會係韓國版嘅 Kama Sutra,
但係，佢嘅內容根本就完全唔係咁......
呢套片由頭到尾都係一套藝術片，
絕對唔似嗰啲去戲院 $50 任睇嗰啲三級片，
如果你係抱住睇三仔嘅心態，咁你一定會失望而回。
我好欣賞呢套戲，因為成套戲由內至外都好細緻，
意淫而不俗套，所有做愛場面都係點到即止。
啲佈局都幾好，一層一層咁慢慢將套戲帶到最高峰，
個結局雖然慘，但係好感人。
絕對值得一睇再睇呀!!
........................................................................
嗰晚半夜睇住皇馬喺主場俾奥沙辛拿數咗三隻蛋，
輸波之餘重要俾華倫西亞上番西甲榜首，
最慘嘅就係朗拿度傷埋，要抖三個禮拜，
呢次真係「賠了夫人又折兵」。
我心裡面有少少幸災樂禍心態，因為我極度討厭皇馬。
討厭佢好似打 Winning Eleven 個 Master League 咁，
要邊個就買邊個，只要係最勁嘅進攻球員佢都話要買。
今年買埋碧咸，夾硬擺佢打防守中場，
效果如何，大家心裡有數。
皇馬今年有六條煙又點，而家分分鐘要食白果添呀!!
歐聯喺八強出咗局、西班牙盃決賽又輸埋，
而家分分鐘連西甲都保唔住，俾華倫西亞後來居上。
再睇埋呢兩隊嘅餘下賽程，皇馬絕對冇運行，
要作客對馬德里體育會呢場同市打吡巳經夠惡哽，
之後仲要對巴塞隆拿同拉科魯尼亞!!
相反華倫西亞巳經對晒所有強隊，
剩低只係啲中下游球隊。
我諗皇馬想追都好難。
皇馬呢隊波，絕對係觀音頭掃把腳，
正一有前冇後，打死罷就。
淨係掛住攻但係唔識守，就算買埋亨利都冇用啦!!
只要皇馬一日唔改善條防線，真係妄想稱霸歐洲呀!!
________________________________________________________________________
四月十二日 (星期一)
同長髮小姐去咗西貢食下午茶 Plus 海鮮晚餐，
真係飽到上心口呀!!
嗰日天氣又好，啲海風吹埋嚟真係好舒服，
我哋一路行一路傾計，唔覺唔覺咁傾咗好耐，
呢個復活節假期，真係好開心呢 ^^