2004-03-08 03:01:01秋無垢，天地無語。
韓遊雜記：玩樂篇
喺漢城玩呢幾日裡面，我哋去左兩個大型遊樂場玩，
一個係愛寶樂園 Everland，另一個係樂天世界 Lotte World。
雖然呢兩個大型遊樂場都喺漢城附近，但係兩個嘅風格就有啲唔同。
Everland 座落喺京畿道南部嘅龍仁市，講得簡單啲，係喺水原市隔離，
(韓國分咗九個道，京畿道係其中一個，意思係同省份一樣嘅管轄區域。)
由於距離漢城比較遠，所以要搭好耐車至到。
至於入場費方面，Everland 比起樂天世界平，
嗰日我哋買咗 Big 5+1 套票，(可以自選五樣遊戲同埋纜車套票)
價錢每位收 21,000 圜 (Won) ，除番港幣大約 $150 左右。
其實佢地仲有日間套票，可以任玩大部份設施，
價錢都只係 30,000 圜，即係港幣大約 $210，都算合理啦!!
(我哋去韓國嗰陣嘅滙率係 HK$ 1 = WON 145)
由於 Everland 佔地都幾大，所以要用纜車連接到另外一邊，
單以個人角度，我比較鍾意 Everland 多過樂天世界，
因為呢度比較啱一家大細玩，可謂一網打盡呀。
我哋嗰日一開始，就走咗去玩雪橇，(淨係排隊都排咗好耐)
淨係玩呢樣嘢就用咗兩個印，但係玩完之後可以無限次任玩。
要玩雪橇，首先要坐纜車上山，跟住由山頂滑番落去，
我初初都有啲驚，但係玩玩吓就覺得好好玩。
唯一唔好嘅就係，玩完之後啲雪入到成對鞋都係，而對手就凍到僵晒。
雖然係咁，我都覺得呢個一定要玩。(但係下次我會著 Boot 去玩)
玩完雪橇之後，我哋第一時間去 Safari World 排隊睇動物，
可能你會覺得奇怪，去睇獅子老虎，駛乜去嗰度睇呀?
雖然呢次係睇獅子老虎，但係呢兩隻係獅子同老虎嘅混合體：Liger
Liger 據聞係南韓國寶，係呢度其中一隻獅子同一隻老虎生出嚟。
如果有睇開 Discovery Channel 同 National Geographic Channel 嘅動物片，
都知道獅子同老虎係唔可以住埋一齊，因為雙方都會以對方為獵物，
但係呢兩隻嘢唔食對方，仲可以發生關係，生咗下一代出嚟，你話奇唔奇?
嗰兩隻 Liger 雖然貴為南韓國寶，但係佢哋嘅實際生活就慘啦!!
因為喺普通獅子同老虎眼中 (包括佢哋嘅父母在內)，
都覺得佢哋唔係自己同類，所以可能會襲擊佢哋，
由於係咁，所以佢哋被特別分隔開，避免被其他「半同類」襲擊。
睇完 Liger 之後，我哋好無聊咁去咗去睇戲。(當然唔係戲院嗰啲啦)
我哋去咗一個類似海洋公園「超動感影院」嘅動感影院，
我記得套戲係立體卡通賽車，所以要用立體眼鏡嚟睇。
呢套嘢最搞嘢就係，某啲情節會有實際 Effect 出現，
例如啲車經過水面就會向你塊面射水，有啲 Shot 又會向你塊面吹風等等。
睇完之後，我塊面都仲係濕濕地。
睇完戲之後，由於時間無多，所以要坐纜車過番另外一面，
之後途經 Samsung 嘅展覽廳，裡面 Display 咗好多 Samsung 最新嘅產品，
其中有啲產品係香港冇嘅，我諗呢啲可能係韓國至有。(例如手提電話)
臨走之前，由於仲有一個印未用，於是就俾人捉咗去玩機動遊戲，
我哋玩咗一個好似環球嘉年華都有嘅機動遊戲，
總之就好似洗衣機咁，不斷上上落落左轉右轉，
玩完之後初初都冇乜嘢，但係上番旅遊車就......
個胃好似俾人反轉咗咁，搞到我哋差啲忍唔住想嘔。
而呢一次 Everland 之旅，就係咁樣落幕啦!!
我發誓，我永世都唔會再玩機動遊戲，簡直係虐待呀~~~~
PS: Everland 都有網頁架，網址係 http://ch.everland.com
(中文網址嚟架)
一個係愛寶樂園 Everland，另一個係樂天世界 Lotte World。
雖然呢兩個大型遊樂場都喺漢城附近，但係兩個嘅風格就有啲唔同。
Everland 座落喺京畿道南部嘅龍仁市，講得簡單啲，係喺水原市隔離，
(韓國分咗九個道，京畿道係其中一個，意思係同省份一樣嘅管轄區域。)
由於距離漢城比較遠，所以要搭好耐車至到。
至於入場費方面，Everland 比起樂天世界平，
嗰日我哋買咗 Big 5+1 套票，(可以自選五樣遊戲同埋纜車套票)
價錢每位收 21,000 圜 (Won) ，除番港幣大約 $150 左右。
其實佢地仲有日間套票，可以任玩大部份設施，
價錢都只係 30,000 圜，即係港幣大約 $210，都算合理啦!!
(我哋去韓國嗰陣嘅滙率係 HK$ 1 = WON 145)
由於 Everland 佔地都幾大，所以要用纜車連接到另外一邊，
單以個人角度，我比較鍾意 Everland 多過樂天世界，
因為呢度比較啱一家大細玩，可謂一網打盡呀。
我哋嗰日一開始，就走咗去玩雪橇，(淨係排隊都排咗好耐)
淨係玩呢樣嘢就用咗兩個印，但係玩完之後可以無限次任玩。
要玩雪橇，首先要坐纜車上山，跟住由山頂滑番落去，
我初初都有啲驚，但係玩玩吓就覺得好好玩。
唯一唔好嘅就係，玩完之後啲雪入到成對鞋都係，而對手就凍到僵晒。
雖然係咁，我都覺得呢個一定要玩。(但係下次我會著 Boot 去玩)
玩完雪橇之後，我哋第一時間去 Safari World 排隊睇動物，
可能你會覺得奇怪，去睇獅子老虎，駛乜去嗰度睇呀?
雖然呢次係睇獅子老虎，但係呢兩隻係獅子同老虎嘅混合體：Liger
Liger 據聞係南韓國寶，係呢度其中一隻獅子同一隻老虎生出嚟。
如果有睇開 Discovery Channel 同 National Geographic Channel 嘅動物片，
都知道獅子同老虎係唔可以住埋一齊，因為雙方都會以對方為獵物，
但係呢兩隻嘢唔食對方，仲可以發生關係，生咗下一代出嚟，你話奇唔奇?
嗰兩隻 Liger 雖然貴為南韓國寶，但係佢哋嘅實際生活就慘啦!!
因為喺普通獅子同老虎眼中 (包括佢哋嘅父母在內)，
都覺得佢哋唔係自己同類，所以可能會襲擊佢哋，
由於係咁，所以佢哋被特別分隔開，避免被其他「半同類」襲擊。
睇完 Liger 之後，我哋好無聊咁去咗去睇戲。(當然唔係戲院嗰啲啦)
我哋去咗一個類似海洋公園「超動感影院」嘅動感影院，
我記得套戲係立體卡通賽車，所以要用立體眼鏡嚟睇。
呢套嘢最搞嘢就係，某啲情節會有實際 Effect 出現，
例如啲車經過水面就會向你塊面射水，有啲 Shot 又會向你塊面吹風等等。
睇完之後，我塊面都仲係濕濕地。
睇完戲之後，由於時間無多，所以要坐纜車過番另外一面，
之後途經 Samsung 嘅展覽廳，裡面 Display 咗好多 Samsung 最新嘅產品，
其中有啲產品係香港冇嘅，我諗呢啲可能係韓國至有。(例如手提電話)
臨走之前，由於仲有一個印未用，於是就俾人捉咗去玩機動遊戲，
我哋玩咗一個好似環球嘉年華都有嘅機動遊戲，
總之就好似洗衣機咁，不斷上上落落左轉右轉，
玩完之後初初都冇乜嘢，但係上番旅遊車就......
個胃好似俾人反轉咗咁，搞到我哋差啲忍唔住想嘔。
而呢一次 Everland 之旅，就係咁樣落幕啦!!
我發誓，我永世都唔會再玩機動遊戲，簡直係虐待呀~~~~
PS: Everland 都有網頁架，網址係 http://ch.everland.com
(中文網址嚟架)