本來我打左個訊息想send俾個好朋友，
但我存左o係手提好耐都冇send出去，
點解唔send？
因為怕佢睇完會好唔開心，怕佢嬲我，
唔知佢睇完之後會點諗，
不過依家大部分我都唔洗send，因為佢知道的，
點都好..我都想由頭到尾俾妳睇一次..
對唔住..可能會令到妳好唔開心..

”對唔住，可能妳會覺得我唔應該o係呢個時候同妳講呢d問題，
其實我一早想搵機會同妳傾，我依家講既野，
同埋我講緊既，唔係對我一個人既問題，
係對妳老公，對妳身邊既所有朋友，甚至對妳，
我知道每個人都有自己既性格，
亦都有自己唔鍾意既野，
但結左婚，做左人老婆老公，有時好多野唔可以單方面去諗架﹗
可能有時我地做左d野而令到妳唔開心唔滿意，
但妳有冇諗過人地究竟係咪有心要令到妳唔開心呢？
見到妳發脾氣，我地又係咪好開心呢？
難道我地個個見到妳黑起面，見到妳嬲，唔開心，發脾氣，
我地又好好受咩？
有時妳一發脾氣，我地知咩事又好，唔知咩事又好，
都係tum左妳先，妳知道我地為咩嘛？
為左唔想妳唔開心啊﹗
妳每次發脾氣，妳老公見到妳咁，佢又發脾氣話妳，
你地之後又會嘈交，
但過後最終咪又係tum返妳，
但咁多次發脾氣已黎，妳有冇tum過佢呢？
呢個就要妳自己先知，因為係妳先最清楚有冇，
我地始終唔清楚你地既內裡相處同溝通，
我講咁多，唔係要話妳唔岩，
脾氣係個個人都有既，我只係想妳明白一d野姐﹗
或者妳會覺得我依家講既野，好似冇為妳諗過，
點解我講到妳唔開心好似唔可以發脾氣咁呢？
其實唔係唔可以，但妳o係發之前，平心靜氣d諗下，
為咩發脾氣，發得有冇道理，件事係咪真係咁嚴重，要發脾氣先呢？
講真，妳有一晚同我講既野，
叫我唔好返黎，叫我直情搬埋去阿斌度，
咁同趕我走有咩分別呢？
話唔想見我，唔想同我講野，同妳做左朋友咁耐，
聽到呢番說話，心情有幾難受，妳知道嘛？
雖然我知妳因為嬲，所以先咁講，
但果晚我仍然難以忍受我既眼淚，返工時喊左出黎，
見到阿斌之後，都係忍唔住喊，
但我知，我係有錯，對唔住...”

有時d野，唔會做唔到既..
有一樣野好老土架﹗電視教..
發脾氣之前，心呼吸數3下，冷靜諗一諗，
3下唔得咪10下囉﹗
諗清楚件事先，覺得有問題既..拎出黎講，
發脾氣係解決唔到問題架﹗
咁樣，妳只會更加唔開心，呢樣妳知的，係咪？

其實妳身邊都有一個好寵愛妳既人架﹗
睇下妳覺得滿唔滿足姐﹗
妳都講過，開心就夠啦﹗^.^係咪？

朋友，我對妳係點，我知妳都好清楚，
我亦都知妳好重視我，關心我，我真係知架﹗
我可以同你地一齊住，一齊生活，好開心架﹗
開心同唔開心都有你地...多謝^.^