呢幾日過得好快樂，事關阿佬又去左ｉｎｄｉａ，本來話今個星期三返，之後又話星期四，而窕就星期六，爽爆。最好既就係．．．．星期六佢要下午５點機囉。咁即係我地又緣慳一面啦。不過好驚星期一見到佢，我驚又好似上次咁．．．．
　　７月２４日　　星期一
　　今日同左阿豪（新ａｍ）出左去食飯，３個人，原來佢都ｏｋａｙ多野講，同埋，今日知道佢係爛ｇａｇ王，唉～～之後返上ｏｆｆｉｃｅ，就開始同佢ｍｓｎ，了解左佢多少少咁啦～放工就陣閘，因為要去考英文。９月６日，我同ｆａｎｎｙ會正式加入ｂｒｉｔｉｓｈ　ｃｏｕｎｃｉｌ，雖然我地唔同班，不過佢都因為我而揀左同我返同一個時間，真係好。
　　我地去到，時間岩岩好，之後等左一陣，等個時有個外籍男仕係間房到走出黎，又返左入去。ｔｈｅｎ　ｆａｎｎｙ就即刻撞一撞我話【喂．．．岩你呀】佢條友仔，唔駛咁明下話，哈哈～～～雖則．．．個阿ｓｉｒ又真係唔差。我地考完筆試之後就出左去等考ｏｒａｌ，我係第一個被點名過隔離考ｏｒａｌ既，一出去，門都未關好，就比頭先見到個個阿ｓｉｒ捉住，話佢係同我考ｏｒａｌ，我心諗．．．駛唔駛咁橋呀？！
　　我都唔知我地係考試定傾計，佢又講下佢自己ｄ野，我又講下想去南非，佢又問我有無睇明珠台講南非野生動物．．．講左唔知幾耐，出返去諗住等ｆａｎｎｙ，點知佢又未出，坐左一陣，見到佢走過黎，原來佢一早就出左黎，仲話我點解咁耐，明明我係第一個人去考，ｅｒ．．．唔知呢～～傾多左２句掛～～哈哈～～～ｔｈｅｎ就去報名啦，ｆａｎｎｙ話比個機會我地【識朋友仔】ｗｏ。我真係有心讀架ｗｏ！！！！一路讀一路【請教】下班同學【仔】囉～～～咁會唔會好ｄ呀．．．哈哈～～～

　　７月２５日　　星期二
　　今日又彈閘，去左拎返張智能身分證，其實咪又係咁，有咩特別姐，我又唔覺ｗｏ，同埋我覺得好阻住．．．．好似好大張咁既～～～
　　返工返到身心疲累，而家搭車好想訓覺囉，不過唔想釣魚．．好核凸的。我今日仲借左４本書．係鬼書黎睇，因為星期日真係唔多想出街，好累～～寧願靜靜地係屋企睇下書好過～～不過．我淨係喜歡睇鬼書架ｊａ～

　　７月２６日　　星期三
　　今日諗住可以好爽咁彈閘啦，點知５點幾收到阿佬既e-mail，唉～～～麻鬼煩架佢，又唔早ｄ囉～不過我都算早走，６點半就８８了。
　　今日係ｏｆｆｉｃｅ癲左囉。阿豪每日９點幾等我打點好開始做野既時候就會ｍｓｎ我，佢黎左幾日就【震】我幾日，大約係１１點幾個時，同佢ｍｓｎ下，佢突然爆左個爛ｇａｇ出黎，笑到我肚痛+收唔到聲，最衰既係我唔可以笑出聲，不過其實中女都知，佢又冇望我，可能覺得我喊緊。我係咁掩住個咀，不過都係停唔到，個ｇａｇ真係好唔得囉～之後我衝左去ｔｏｉｌｅｔ，去到ｔｏｉｌｅｔ都仲係停唔到，咁就洗面ｒｅｌａｘ下啦～～出返黎都仲笑，抖左一下大氣之後，就扮無野入返公司。之後望到佢笑，我又笑過囉～都同佢講到明我係絕對忍唔到笑，佢都仲要咁－＿－”
　　佢既爛ｇａｇ．．．同斌仔有得揮：〔之後佢地見我咁樣，就勁望住我啦～ｔｈｅｎ中女又唔識打字，問我個【爆】字點打，咁我個時都未平復到，個腦乜都諗唔到，就問佢【邊個爆字呀】，之後佢就話【爆石個爆】，我又笑過～連阿豪都笑囉，之後中女就係度講左ｄ野打完場，唔係好知佢ｕｐ乜喇，總之我就笑到收唔到聲。
　　平復左之後，我就ｆｅｅｌ到個頭有ｄ痛，唔知係咪笑得太勁，唔多舒服囉。不過我又真係好耐冇咁樣笑過，多得阿豪唔少，好彩阿佬唔係度，如果唔係我真係ｐｋ。而家我諗返都想笑，點解會咁架？可唔可以幫我洗腦呀？？
　　阿豪又ｓｅｎｄ左個野比我聽歌，ｏｋａｙ正架ｗｏ，同埋我都知佢教我教得好辛苦架喇，咁我又真係唔識電腦丫麻．．．想點姐～

　　星期四既今天，都算多野做，一陣仲要同ｄｅｅｐａ出街，都好既，其實我都幾鐘意佢。希望唔會收到阿佬既e-mail啦～～唉～
　　終於都ｂｏｏｋ左睇牙，好驚呀～～～星期六，睇完同佢地去唱ｋ，勁期待～～今次，誓必唱到喉嚨痛！！無唱３個幾月．．大家容許我咁做啦～～
　　聽講聽日我地３個人都ｋ　ｌｉ＋ｕｎｃｈ，唔知係咪真既呢：〕

ｐ．ｓ　錯失太易 愛得太遲 ？