尋日食完飯就無無聊聊咁睇電視，星期六真係悶到出汁，其實係真悶，定係我慣左出街呢？唉～～～～～又冇電視好睇。
　　幾經辛苦捱到去８點，睇America’s Funniest Home Videos ，唔知點解個個ｂｂ都好得意囉～～～之後睇香港先生，上一年無睇到，諗住今年都唔慌好睇，事關望落去個個都好【靚仔】，但為左愚人自娛，咁就企定定睇喇。一睇，都係覺得２號仔最好～話晒都係【健力組】，ｍｕｓｃｌｅ就最岩我，加上個樣都唔差，咁我就由頭到尾都捧佢場。而我妹妹就睇好１號．．．．冇野好講囉～～唉．．．．．．
　　點知我發覺，原來我既眼光都唔差囉，２號仔攞左【健力組】冠軍，但亦輸比１號，比小妹串囉～頂～～～唔知你地有無睇呢？！
　　尋日先發覺，原來你同我一樣，都喜歡ｊａｃｋｙ仔架ｗｏ：〕

　　星期日，好慶幸自己唔駛出街，事關為左黎緊既一個禮拜，我要儲多ｄ彈藥！識做既朋友就唔好搵我去玩住喇～星期六約左ｂａｂｙ，星期日留返比我訓覺啦。今朝都訓到差唔多１０點，十萬個唔願意起身．．．．不過我驚今晚訓唔著，就唔敢再訓。但起左身又唔知做咩好，咁就睇返前幾日未睇過既報紙+你比我睇既個本ｍａｇａｚｉｎｅ，之後聽左一陣歌再睇電視。咁既生活．．．好難頂囉。我覺得好似ｄ退休阿伯咁。
　　哎呀．．．又話帶我去ｄｉｓｎｅｙｌａｎｄ既，我真係好想去ｂｏｏ，但係而家暑假，同咁岩佢又加左幾個新遊戲，會唔會好多人架？唔想好似日本咁咁迫，一個ｇａｍｅ排２個鐘囉～～～定抑或我地過左暑假先去呀？？
　　今晚有住家飯食，好滿足了～～

　　封信幾日前寄左喇，裡面有我３張ｐｉｃ，事關我都唔知爭你幾多張，今次一次過比你啦，哈哈～～～另外，亦都有一個我係日本求比你的平安符，雖然顏色比較女仔ｄ，希望你唔好介意啦～～～
　　收到阿祈你個ｍｓｇ，ｓｏｒｒｙ遲左一日先覆，你係想同我一個人食定叫埋佢地呀？？因為我知得我一個收到個ｍｓｇ　ｊａ　ｗｏ：〕同我撐枱腳是無問題的：〕我再打比你啦～～～～

　　意大利對法國．ＳＯ　ＳＯＲＲＹ．我係支持意大利的。

Ｐ．Ｓ　我真係好唔喜歡你成日都咁樣！！！！！