響ＭＳＮ見到吳小姐, 於是相約響元朗聚一聚...

路痴既我俾姐夫老點左響旺角搭小巴入元朗, 點知我坐左成個鐘頭車都只係去到屯門, 仲要中途被迫落車再過車 = ="

好辛苦咁到達元朗之後, 打俾吳小姐...頂！條友出左去深水步同人地食ＴＥＡ喎！跟住我打俾楊小姐啦...楊小姐叫我自己磨多一個鐘, 佢就會返到元朗 = ="

人生路不熟, 一條友響元朗周街盪, 行左幾個冇野睇既商場, 到最後係六點半先齊人。

之後我地去百佳買野煮飯食, 煲左個節瓜鹹蛋瘦肉湯, 蒜鹽炒秀珍菇 & 翠肉瓜, 炒鳥冬, 再開一罐鳳尾魚同埋一罐五香肉丁。

食飽飽後就睇電視, 坐到十一點半就落街食糖水...就係咁錯過左去觀塘既尾班車 = ="

最後又係搭小巴返出旺角, １２：３０上車, ０１：５０落車, 再行去搭的士（哈哈, 路痴成功搵到路）, ０２：１５返到屋企。

我覺得去元朗係辛苦過上大陸 (-__________-")