尋晚冇食飯...今朝好肚餓...晏晝食左個吞拿魚飽...聽落真係好慳。

放工搭村巴返屋企, 成個車程聽住i-Pod唔知諗緊乜, 當架車去到大老山隧道時, 慢慢訓著左, 訓醒時發覺前後左右冇晒人, 原來訓過龍唔記得落車, 最後只好去到坑口站落車。

為左慳錢, 著住對好難行既尖頭鞋都決定行路返屋企, 好彩星期六行過一次...在急速既腳步下都只係用左三個字就返到屋企。

今日響公司收到一個Vendor既利是(HK$20), 又收到公司炮金(HK$580), 加埋岩岩好HK$600, 決定儲入月尾個後備基金。

諗起將會到手果部好平既 YAMAHA 二手鋼琴, 諗起套梳化, 諗起媽媽如果成功排期做手術, 諗起好多好多野既時候, 覺得慳錢呢兩個字其實好虛無, 但又不得不用行動去實行。