上網見到原來火炭都有入境辦事處, 跟住望下個地圖, 好似好近, 於是十二點正就竄左出去拎特區護照。

落到街後, 對腳唔知做乜事, 起勢咁跟住前面兩個推住車仔既送貨佬既步伐, 行到氣都喘 = ="

去到小巴站, 等左五分鐘就有車喇, 上車後即咇八通窿, 之後先望到有分段收費, 就係咁蝕左個半 ."/.

因為唔係咁識路, 於是我揀左司機叔叔後面個位坐, 仲好「勇」咁叫司機叔叔提我落車（我係路痴之餘...平時我坐小巴係唔敢大叫有落）^^"

落車後望一望個門牌, 心諗點解個入境處會響個「up dup」商場入面。

「up dup」既好處就係冇乜人, 我填完表格遞埋表後唔洗一分鐘就叫我個名, 交埋錢都係十二點半, 好快 ^^


* * * * * * * * * * * * * * * * * * * * * * * * * * * * * * * * * * * * * * * * * * * *


親愛的熊熊：

一切準備就緒, 等你消息！


　　　　　　　　　　　　　　(-_____-")v
　　　　　　　　　　　　　　仍然很興奮的多多上