呢排唔知行緊咩運呢... 算唔算財運呢？？？

尋晚大佬送左兩張海洋公園入場劵俾我, 唔駛錢又有得玩好開心 ^^

今晚亞妹（魔女）請我食飯, 唔駛錢有飯開, 當然好開心 ^^

最開心既就係黎緊又有人無啦啦請我去日本 ^^

今次受唔受得起呢個日本之旅呢？　

媽媽既意見：「受得起, 你同果個男人(Peter)就話唔好去, 今次唔怕去！」
家姐既意見：「去啦去啦, 最多你返香港多ｄ請返人地食飯囉！」
亞妹既意見：「去啦去啦, 以你同佢既關係真係受得起！」
　　　　　　(↑ o.O" 原來我地真係三姊妹, 語氣一樣...)

我口頭已經接受呢份「大禮」, 但個心好似唔知點咁, 朋友除左出機票 / 團費, 佢仲話可以包埋我SHOPPING既支出......

當朋友知道我未有心理準備時, 又話請我去迪士尼玩。

我個心入面成日諗住：「受唔起受唔起......唔該唔好對我咁好啦！」

朋友計劃七月起行, 即時令我舒一口氣, 起碼我仲有半年時間考慮受唔受得起呢個問題。

唔知點解...我個心好希望佢到時會唔記得, 會好忙, 甚至反口...


(-________-")　←　自尋煩惱中......