放工返ＴＫＯ睇醫生, 響診所門口見到入面一個病人都冇, 心諗應該唔洗十分鐘可以出返黎 ~

登記既時候望一望醫生門口個牌：e...點解今日唔係靚仔醫生既？ o.O"

算啦...我係睇「病」唔係睇「醫生」 ^^"

登記完後, 都等左成五分鐘, 都唔知個醫生響房玩咩, 冇病人都要等！

入到去見醫生, 講完晒我咩事, 佢又check過晒我發生咩事, 跟住佢話開ｄ藥俾我, 叫我依時食藥。

我以為可以起身走人既時候, 突然亞醫生佢拎起個電筒射向牆上面既海報, 開始同我上醫科。

佢好詳細講解海報上面既野, 咩情況會有呼吸病, 咩叫花粉症, 天氣既轉變點解會引致病發, 皮膚病既成因......

我不停咁點頭扮明, 唔知攪左幾耐, 亞醫生仲好似唔想放我走, 問我仲有咩病, 有咩病想知。

我：「er...冇喇...唔該晒醫生。」

跟住即時彈起身, 佢先開鎖放我走。

ＨＫ＄２３０睇一次醫生 + 一堂醫科, 真係超值 (-_______-")