我成日都希望生活得多采多姿, 好可惜自己唔識得製造多采多姿0既生活之餘, 反而成日遇上奇奇怪怪0既事。

我就係果種一百歲唔死都仲有新聞o既人 = ="

今朝一早響樓下平台就遇見Peter, 對話如下：

Peter：「咦？你尋日冇返工呀？」
我　：「係呀！尋日胃抽筋所以請病假呀！」
Peter：「哦！我諗住如果今日唔見你，都打算會搵你0架喇！」
我　：「0下？咩事呀！」
Peter：「我同老婆決定農曆新年去東京呀！請埋你去呀！」
我　：「0下？」

(跟住好驚好驚, 又唔知點推, 想去又唔想去之間....內心非常掙扎。)

我問Peter點解去旅行去得咁密, 佢形容e+好似倒數緊佢0既人生, 眼見佢媽媽訓響老人院唔郁得, 錢財又帶唔走, 有感要及時行樂......

傾下傾下, Peter又突然話有份Part Time HK$40一個鐘介紹俾我, 問我有冇興趣。

果一刻個腦已經煩緊去唔去日本, 跟住又要諗做唔做Part Time。

我抬頭望一望個天, 內心不其然問左耶穌一句：「你真係咁眷顧我？」

其間Peter叫我唔好話俾佢老婆知佢請我去旅行。

↑　？？？　點解呢　？？？　"f(-_______-")

放工約左人豆熊食飯, 叫佢地俾ｄ意見, 點知佢地一時叫我去, 一時又一臉認真話唔好去...... = ="

飯聚後, 行去搭車途中, 一支粗粗0既樹枝跌落我個頭頂上...好那痛 > <"
果一刻我知道, 銀包入面果張聖誕金多寶六合彩一定冇我份...因為頭獎只會中一次！

雖然我係好想好想去旅行, 好想好想儲多ｄ錢, 但實現唔到都唔緊要, 因為我呢一刻最想要0既野唔係呢ｄ！

如果主耶穌基督你真係眷顧緊我0既話...可唔可以完成我0既心願？

又唔知嫾會唔會繼續眷顧我呢個貪心0既人呢？