2005-12-10 00:44:37Yan
病痛多多
真係唔認老都唔得, 人越大就越多病痛, 廿五歲前真係好日都唔駛睇醫生, 就算有病, 都會自己「藕」番好。
前排患上感冒, 懶去睇醫生, 結果越黎越嚴重, 前兩朝起身後都感到氣喘, 呼吸困難, 仲扯晒蝦。
我仲懷疑好耐冇發作既遺傳性哮喘又復發, 於是趁中午食飯時間那那臨走去睇醫生, 好在醫生話唔係。
唔知點解, 我食左醫生開既藥越來越病......睇黎呢個醫生都係唔多掂。
最慘就係我失聲, 就算開到聲都係一把男人聲, 係人打俾我都以為打錯 = ="
呢幾日天氣雖然回暖, 但我都堅持圍住條scarf保護條氣管...真係好怕哮喘病會復發！
(-_____-")