我大佬有個習慣, 如果佢夜返屋企, 就會入房望下阿媽, 望下我地兩姊妹, 同埋望下隻狗。

有一晚, 唔知係唔係天氣熱返少少, 大佬入房見到亞媽件衫拉高左, 凸左個大肚腩出黎, 另外佢仲發現亞媽肚皮上有一大條深紫色瘀痕！

於是大佬好緊張叫我去望下阿媽個肚, 叫我問下阿媽係唔係整親唔出聲。

我走埋阿媽個大肚腩一望, 笑住口同大佬講：「唔駛問啦！　一定係你阿媽越黎越肥, ｄ褲唔係太岩著, 長期箍住, 令到肚腩出現瘀痕。」

但大佬好擔心, 死都唔信我既推測......

到左第二日食晚飯時, 我問阿媽佢個肚腩上面既瘀痕係唔係ｄ褲唔岩著。

我媽笑住口答：「哈哈！　係呀！」

之後我同大佬連珠發炮咁鬧佢唔減肥, 成日偷食雪櫃裡面既雪糕 ."/.

唉...令我諗返起某年冬天, 我行街時想買幾件保暖內衣俾阿媽, 我拎起件ＸＬ, 都覺得唔岩我媽著, 於是我打電話返屋企, 叫大佬用軟尺幫阿媽度下個腰圍......

頂 ~ 仲勁過個上圍, 足足有成四十一吋 = ="

我地三兄妹已經成日同佢講肥胖對健康唔好, 但講極都唔聽 ."/.

如果我中左六合彩, 第一件事就係帶我媽去纖體！！！

唔知上天會唔會顧念我一場孝心, 俾個機會我中番次六合彩呢？ :p