今朝搭村巴返工, 阿街坊Peter無啦啦同我地講佢個女買左隻史納莎。

平時我都唔敢話俾佢地知我屋企有養狗, 因為其中二人都係住ｘｘ花園, 街坊伯伯就住我樓上, 而街坊Peter就住隔離果座, 俾人地知我違規養狗, 始終唔係咁好 ^^"

當我聽到阿街坊Peter自爆買左隻狗, 於是我都自爆屋企都養左隻史納莎 :p

阿街坊Peter仲當正我係專家, 問左我好多問題, 而我又扮晒專家咁解答佢既問題。我仲響個袋入面拎本「讓狗狗變聰明」既書俾佢地睇, 擺出個非常專業既款 ＸＤＤＤＤＤ

其間, 村巴仔透露佢隻狗肚痾係食保濟丸, 傷風係食小兒幸福傷風素 = ="

另外果兩個伯伯又提供左佢地以前養狗既經驗......

um......我諗阿街坊Peter個女一定多得佢老豆唔少, 撞正咁多個扮專家既專家！

希望小狗快高長大, 可以約埋同熊仔一齊散步 ^^/