讀緊小學時已經好鐘意草蜢。

前排知道草蜢開演唱會, 成日留意新聞睇下佢地幾時開, 知道係十月開, 八月就成日去通利琴行望有飛賣未 :p

最後, 終於買左10月21日 $400 ^^v

前日朝早睇娛樂版, 見到草蜢 + 林海峰 Crossover 演唱會...好想連續兩晚都見到草蜢, 仲要只得一場 & 仲有林海峰添, 跟住又好想去睇喇 ~

點知上網搵極都搵唔到公開發售日期, 到左今日問朋友, 佢話只剩返$400...太貴喇, 唔可以又買$400飛架嘛, 有d錢唔可以咁樣駛法 ^^”

於是下午膽粗粗問舅父可唔可以幫我拎飛，因為舅父識得通利琴行個經理, 我知一定會拎到飛！

但我由細到大都好怕呢個舅父, 佢好惡架, 同佢講野我好驚架, 未到最後我都唔會敢開口叫佢幫手 ^^"

好在我問佢既時候, 佢同我講話好在我問佢, 如果唔問, 佢都唔記得要幫表妹訂飛, 於是佢就即刻打去訂飛 ~

就係咁...我終於可以連續兩晚見到蔡一傑喇 ^^v