我都講過自己天生係一個敏感狂, 患上神經過敏症絕對唔出奇 ^^"

頭先練完琴, 抆返個插蘇, 跟手拎起個火牛......
點知一個唔小心跣手, 成個火牛跌左落地下, 地板即時凹左 = ="
之後好那驚, 好驚個火牛會壞, 好驚下次用用下會爆炸......
好驚自己用時唔會爆, 還返俾朋友用時就會爆, 間接做左殺人兇手......
跟住四圍打俾朋友, 上網見人就問火牛會唔會爆炸......
所有人都答我唔會, 仲笑我傻 = =

當平靜落黎時, 諗返轉頭都覺得自己精神過份地緊張, 仲有胡思亂想既情況非常之嚴重 = ="

其實火牛事件只係冰山一角......

我經常性地當發現身體狀況出現異樣時, 就會好驚會患上癌症！
我試過俾熊仔咬傷, 好驚自己會有瘋狗症！
我試過戴戴下隱形眼鏡唔見左, 好驚要開刀拎返隱形眼鏡出黎！
我試過望住熊仔訓覺, 見到佢好似冇呼吸, 好驚佢死左, 夾硬篤醒佢！
我試過唔小心服食過量藥物, 好驚自己會昏迷不醒, 超眼訓都唔俾自己訓！

仲有好多好多, 不能盡錄！

觀乎我以上各種怪異思想及行為, 好明顯真係患上神經過敏症！

點算好呢？？？