今朝八點幾就俾兩隻怪獸嘈醒, 之後就開始我既賓賓生涯, 清潔兩位少爺既大小二便、吸塵、抹地、洗衫、晾衫、幫熊仔沖涼, 攪到十一點幾先可以休息一下。

到左下午一點幾, 就約左熊熊同埋._/.去左新都城飲茶, 飲完茶後, 家姐同埋新人岩岩到達ＴＫＯ, 跟住我地五個一齊返上樓展開打狗行動。

唔知點解, 我地五個人都好似唔多妥小達達咁, 一齊聯手蝦小達達。

到左六點幾, 我、熊熊、._/.就落左百佳買「食送」, 今餐好豐富：

(1)　薑蔥炒蟹
(2)　泰式碎肉生菜包
(3)　咖喱魚蛋
(4)　ＸＯ醬炒墨魚仔
(5)　芝士大蝦燴伊麵

好好味 ^^b
有「人」早走冇得食！

* * * * * * * * * * * * * * * * * * * * * * * * * * * * * * * * * * * * * * * * * * 　

um...順便響度讚揚下你先 ~

估唔到你音樂造詣咁那勁, 勁到要你教我地兩姊妹彈一首低能歌添！

我地兩姊妹會好好練習架喇 ^^/