前晚開始已經不停發冷, 到左尋日朝早起身仲不停係咁震震震 ~ ~ ~

我全日都著住兩件衫, 嬲住張被都冇用, 我感到全身的骨好寒, 好辛苦, 想訓覺又訓唔到 ~

到左夜晚七點幾, 我終於頂唔順, 我走入廁所沖左個超熱既熱水沖, 我沖到唔捨得出黎, 起碼沖左廿分鐘 ~

出黎後感到好舒服......可惜大約一個鐘頭後就出事喇, 我開始發高燒, 個頭好暈, 全身感到好痛, 當熊仔經過我身邊 "hi" 到我, 我都覺得痛, 跟住我去完廁所後照鏡, 嚇o左一跳, 我見到鏡中o既自己塊面係紅色, 個咀係超紅, 我再望下 d 手手腳腳, 都係紅色, 我摸一摸自己個頭, 慶到不得了, 我更加感到我喉嚨勁燙熱......

我好驚咁走出廳向大佬求救, 我大佬掛住打機, 佢敷衍我, 叫我食藥返入房訓覺。
跟住我打電話俾家姐, 佢行緊街, 佢又敷衍我, 叫我食藥訓覺。

當時我真係心情跌落谷底, 覺得冇人理我, 想賭氣連藥都唔食, 死響張床算！
後黎諗諗下, 如果我死左, 佢地好似冇咩錢幫我風光大葬, 於是死死氣食多次藥就訓覺 ~

到左今朝起身, 已經退左一半燒, 不過喉嚨依然劇痛, 家姐叫我唔好返工, 用佢張醫療咭睇醫生, 咁佢就有張假紙放一日假, 同埋佢就可以留響屋企陪我！

(我心諗, 尋晚又唔見你死返黎陪我......) = =

不過算啦, 佢平時又要返學又要返工, 都幾辛苦, 佢都應該休息下 ~

同埋我可以慳返一次醫療保險o既限額 ~

可謂「 一 家 便 宜 兩 家 著 」 ^^v