（承上期）

７月２４日～第二天假期：

哈哈～大概係尋晚既酒精侵蝕左大家既大腦！！！
到下晝１點．．．大家其實都唔係咁想起身～
卒之要幾經掙扎～２點終於都起程出發去石澳！

其間發生左個不可告人既小插曲～為左我地既利益以及服務員唔專業既表現．．．
狠狠地鬧左個個愚蠢既服務員～俾你見到我據理力爭要開口既一面！
但點解要話我惡喎？（因為我平時太斯文之過～）

Ｊｅｎｎｙ佢地一早已經響箕基灣食野～所以我地都去左Ｍ記食薯條！
我仲諗住買相機～點知～行晒２間超市都無！
食完野～Ｊｅｎｎｙ已經排緊隊等Ｍｉｎｉ＾＊＾＊＾Ｂｕｓ～
今日好曬～好多人～完全虛磡～～～我都真係要嘩幾聲！！！
打Ｊｅｎｎｙ占～唔駛排～仲即刻上車～真係好爽！

大概３．４個字既車程已經到左～
我其實係第一次去石澳游水～又一創舉呈現眼前．．．
成個灘都係遮～真係插針都插唔入！仲擔心搵唔到位添～
今次除左Ｊｅｎｎｙ～仲有ｔｏｎｙ＾ｓａｍ＾ｓａｎｄｙ＾ｅｍｍａ＾ｖｉｃｔｏｒ＾ｒｉｃｋｙ　ｐｌｕｓ少少未見過既人！

石澳ｄ沙ｏｋ～租野食野又平～係ｄ水唔得！係完全唔得～
好多垃圾～連巾都有．．．激死！
我就不斷游～見到ｄ垃圾就不斷大嗌～因為真係好嘔心～好難接受！
仲有～唔好張開口～屎水都有得你飲！

今日真係好好玩～可以玩數字球～出左浮台猜輸要跳水～
見到有班玩得好肉緊既人～青筋都現晒～係咁大嗌〔秋平〕～又上浮台又跳返落水～後來～我終於都知道發生咩事！！！

肉緊人上左浮台～突然揮一揮手～有塊浮板飛左出去～
肉緊人隨即大嗌〔秋平〕～繼而跳落水～游去救返〔秋平〕！
睇在眼裡～我完全深深感動～嘻～笑到我死！！！
佢仲係咁鬧佢ｄ朋友仔唔俾浮床佢！

仲見到可能ｃｏｏｌ住６個人既８爪魚～ＭＫ都係＄１６０！
後來又見到曾經響清水灣見到既巨大浮化～
嘻嘻～問化上既人可唔可以玩陣！？
佢地又好樂意借俾我地！跟住我地就５個人迫晒上去～唔沉～真係奇蹟！
化既主人仲有隻艇仔～開頭要不斷潑水～務求令到佢地擱淺～後來基基仲搶埋佢地！哈～原來我地係海盜！
沙灘ｄ人真係好好～

我仲撞到Ｅｓｔｈｅｒ～個８妹真係幾索！

玩到６點幾～就去左俾＄２５沖涼！有熱水～服務又殷勤～個哥仔係咁提我地帶毛巾同沖涼既野！

出返黎～個天已經完成黑晒！
夜晚我地去左觀塘食風味野～花螺＆蜆！

繽紛歡樂既２日假期終於都過去～但我玩得異常開心！因為好滿足～

Ｐ．Ｓ．：哈哈～我係有朋友！你先至無朋友～