１９／７晚同Ａｐｒｉｌ去摩士游水～

Ａｐｒｉｌ以前係校隊～速度真係快得驚人！仲可以ｎｏｎ－ｓｔｏｐ咁游～
佢游３次～我先得一次！
一個鐘之後～我已經進入腳軟階段．．．點知個天突然落大雨～仲行雷閃電！
我同Ａｐｒｉｌ都唔打算走～因為我仲未玩水泡！

幸好～天公造美！
雨細左～乜都唔理～我就執起水泡落細池～人少左好多～我可以任飄！
但Ａｐｒｉｌ一ｄ都唔熱心於我個水泡！
玩完走既時候～有２個男仔想問我地借水泡～不過無理到佢地！
我地一路行～佢地就一路大叫想借水泡！
救生員見到我地無睬佢地～都走埋黎問我地做咩唔借？
我話我地走啦～點知佢地見到我泵水泡既泵～竟然好訝異！
仲問我地點解要帶個泵？
於是我指住個水泡～你吹呀？
個個聽完都響度笑～我係真係覺得咁大個水泡．．．你唔係打算吹呀？

第二日返工～我係完全４支無力！
Ａｐｒｉｌ話係因為我太少運動所致！